मध्य प्रदेशात मायावतींचं काँग्रेसला समर्थन

भोपाळ : मध्य प्रदेशातील विधानसभा निवडणुकीची अंतिम आकडेवारी जाहीर झाली असून मतदारांनी काँग्रेस आणि भाजप अशा कोणत्याही पक्षाला पूर्ण बहुमत दिलेलं नाही. एकूण २३० जागांपैकी काँग्रेसच्या वाट्याला ११४ जागांवर विजय मिळाला असला तरी बहुमताचा एकदा ११६ आहे. तर दुसऱ्या बाजूला भारतीय जनता पक्षाला १०९ जागांवर विजय प्राप्त झाला आहे. तर दुसरीकडे सपा १, बसपा २ आणि अपक्ष उमेदवारांचा एकूण ४ जागांवर विजय झाला आहे.

सत्तास्थापनेसाठी मायावतींच्या बसपाने काँग्रेसला समर्थन देण्याचा निर्णय जाहीर केला आहे. त्यामुळे काँग्रेसचा मध्यप्रदेशात सत्तास्थापनेचा मार्ग मोकळा झाला आहे. त्यात सपाने सुद्धा काँग्रेसला समर्थन दिलं आहे.

विधानसभा निवडणुकांच्या निकालांवरुन छत्तीसगड, राजस्थान आणि एमपी’मध्ये सामान्य जनता भारतीय जनता पक्ष आणि त्यांच्या धोरणांविरोधात असल्याचं स्पष्ट दिसत आहे. इतर कोणताही दुसरा सक्षम पर्याय नसल्याने सामान्यांनी काँग्रेसला निवडलं आहे’, असं मायावती पत्रकार परिषदेत म्हणाल्या.

#WATCH: “To keep BJP out of power we have agreed to support Congress in Madhya Pradesh and if need be in Rajasthan, even though we don’t agree with many of their policies,”says Mayawati, BSP #AssemblyElections2018 pic.twitter.com/1gr6RFRZHO

— ANI (@ANI) December 12, 2018