मुघल गार्डन सर्वसामान्यांसाठी खुलं : राष्ट्रपती भवन

नवी दिल्ली : भारताच्या राष्टपतीभवनाच सौंदर्य वाढवणार मुघल गार्डन आज सर्वसामान्य जनतेसाठी खुलं करण्यात आलं. या मुघल गार्डनच्या सफारीचा आनंद ९ मार्च पर्यंत सकाळी ९.३. ते दुपारी ४ वाजेपर्यंत जनतेला अनुभवता येणार आहे. भारताचे राष्ट्रपती रामनाथ कोविंद यांनी रविवारीच या उद्यानोत्सवाचं उद्घाटन केलं.

केवळ २ मार्च रोजी होळी निमित्त हे गार्डन बंद असणार आहे. परंतु हा आनंद पर्यटकांना जवळजवळ महिनाभर अनुभवता येणार आहे. मुघल गार्डन हे रंगीबिरंगी फुलांसाठी प्रसिध्द असून, तेथील विविध फुलांच्या जाती या पर्यटकांच्या डोळ्याचं पारणं फेडनारी असतात. ९ मार्च ला अंध-अपंगांसाठी, लष्करातील जवान तसेच शेतकरी यांना मुघल गार्डनची सफर घडवली जाणार आहे.

मुघल गार्डनमध्ये जाताना प्लास्टिकच्या पिशव्या, सुटकेस, प्लास्टिकच्या पाण्याच्या बाटल्या आणि इतर साहित्य गार्डनमध्ये घेऊन जाण्यास सक्त मनाई करण्यात आली आहे.

The Mughal Gardens will remain open for the public from February 6, 2018 to March 9, 2018 (except on Mondays and March 2, 2018, Holi) between 0930 hrs to 1600 hrs. Entry and exit will be from Gate No. 35 of the President’s Estate pic.twitter.com/Ebuc3BaW6b

— President of India (@rashtrapatibhvn) February 5, 2018