नववर्षाचं स्वागत सिद्धिविनायकाच्या आरतीने

मुंबई : जगभरात सध्या नववर्षाची धूम पाहायला मिळत आहे. दरम्यान, मुंबईतील प्रसिद्ध ठिकाणांवर मध्यरात्री मुंबईकरांसह राज्यातून न्यू ईअरचे सेलिब्रेशन करण्यासाठी आलेल्या पर्यटकांनी प्रचंड गर्दी केली होती. मध्यरात्रीच्या सेलिब्रेशननंतर आता, नववर्षाची सुरुवात श्री. सिद्धिविनायकाच्या चरणी नमन करून होते आहे. त्यामुळे भाविकांनी सिद्धिविनायक मंदिरात दर्शनासाठी मोठी गर्दी केली आहे.

मुंबईकरांच आराध्य दैवत आणि प्रसिद्ध गणेश मंदिर असलेल्या सिद्धिविनायक मंदिरात नववर्षाची सुरुवात श्रींच्या आशीर्वादाने आणि आरतीने झाली आहे. नववर्ष मंगलमय, आनंददायी आणि सुखकर जाण्यासाठी सुखकर्ता-दुखहर्ता विघ्नविनायकाच्या चरणी भक्तगण आणि समस्त मुंबईकर नतमस्तक होत आहेत. ३१ डिसेंबरचे सेलिब्रेशन केल्यानंतर सुद्धा श्री. गणरायाच्या दर्शनाने नव्या वर्षाची सुरुवात करण्याचा मोह भक्तांना आवरू शकला नाही. यामध्ये मोठ्या प्रमाणावर तरुण आणि तरुणींचा सुद्धा समावेश आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.