‘बोला काय विचारू?’, ‘मोदीमय’ मुलाखतीची राज ठाकरेंकडून खिल्ली

मुंबई : पंतप्रधानांच्या त्या मुलाखतीची महाराष्ट्र नवनिर्माण सेनेचे अध्यक्ष राज ठाकरे यांनी व्यंगचित्रातून खिल्ली उडवली आहे. मोदींची ती मुलाखत म्हणजे स्वतःच स्वतःला प्रश्न विचारल्यासारखं होतं, असा टोला राज ठाकरे यांनी व्यंगचित्रातून पंतप्रधानांना लगावला आहे. व्यंगचित्रात राज ठाकरे यांनी पंतप्रधान मोदी हे स्वतःच स्वत:ची मुलाखत घेत असून यावेळी “बोला काय विचारु ?” असं प्रश्न ते स्वतःलाच दुसऱ्या बाजूने करत आहेत असं दाखवलं आहे. त्या मुलाखतीचा एक ‘मनमोकळी’ मुलाखत ! असा उल्लेख राज ठाकरे यांनी केला असून, ती ठरवून केलेली मुलाखत होती असं अप्रत्यक्षरित्या सूचित केलं आहे.

नुकतीच पंतप्रधानांनी एएनआय या वृत्तसंस्थेला प्रदीर्घ मुलाखत दिली होती आणि काही अनुत्तरित असलेल्या प्रश्नांना उत्तरं दिली होती. एएनआयच्या संपादक स्मिता प्रकाश यांना नरेंद्र मोदी यांनी तब्बल ९५ मिनिटांची मुलाखत दिली होती. दरम्यान, या मुलाखतीत त्यांनी नोटाबंदी, गांधी घराणं, उर्जित पटेल यांचा राजीनामा, जीएसटी, काळा पैसा, भाजपाचा विधानसभा निवडणुकीत झालेला पराभव अशा अनेक विषयांवर दीर्घकालाने मतं मांडली.

परंतु, या मुलाखतीचे प्रश्न आधीपासूनच ठरले होते अशी टीका विरोधक करत आहेत. तर त्याला अनेकांनी मॅच फिक्सिंग असा टोला लगावला होता. त्याच भावना राज ठाकरे यांनी सुद्धा व्यंगचित्रातून व्यक्त केल्या आहेत आणि मोदींची खिल्ली उडवली आहे.

नेमकं काय व्यंगचित्र रेखाटलं आहे राज ठाकरे यांनी?

#Modi2019Interview #PMtoANI #RajThackeray #PoliticalCartoon pic.twitter.com/07s5mcekvJ

— Raj Thackeray (@RajThackeray) January 3, 2019