निवडणुकीत ‘मोदी मंत्र’ कुचकामी हे कार्यकर्त्यांना ठाऊक, पण ते बोलू शकत नाहीत: भाजप नेते संघप्रिय गौतम

भोपाळ : केंद्रीय मंत्री नितीन गडकरींना उपपंतप्रधान पद द्यावे. तर केंद्रीय गृहमंत्री राजनाथ सिंह यांना युपीच्या मुख्यमंत्रिपदी बसवा आणि एमपी’चे माजी मुख्यमंत्री शिवराजसिंह चौहान यांच्याकडे भाजपचं राष्ट्रीय अध्यक्ष पद द्या, असा सल्ला भारतीय जनता पक्षाचे ज्येष्ठ नेते संघप्रिय गौतम यांनी पक्षाला दिला आहे. त्याचबरोबर पक्षाचे विद्यमान राष्ट्रीय अध्यक्ष अमित शाह यांनी केवळ राज्यसभेवरच लक्ष द्यावं असे मत व्यक्त केले आहे.

तसेच युपीचे विद्यमान मुख्यमंत्री योगी आदित्यनाथ यांना थेट धार्मिक कार्यास पाठवले पाहिजे, असे सुद्धा त्यांनी माध्यमांनसमोर बोलताना मत व्यक्त केले. सध्या विद्यमान पंतप्रधान नरेंद्र मोदी हे देशातील सर्वांत मोठे नेते आहेत. पण २०१९ मध्ये ‘मोदी लाट’ असण्याबाबत शंका आहे असे ते म्हणाले. तसेच आगामी लोकसभा निवडणुकीत ‘मोदी मंत्र’ कामी येईल असे वाटत नाही असं ते म्हणले. वास्तविक पक्षाच्या कार्यकर्त्यांनाही हे मान्य आहे, परंतु ते बोलू शकत नाहीत.

सध्या मोदी सरकारच्या धोरणांविरोधात सामन्यांमध्ये प्रचंड राग पसरला आहे. तसेच परिस्थिती इतकी वाईट आहे की, जर आता निवडणुका झाला तर भारतीय जनता पक्ष काही ठराविक राज्य वगळता इतर सर्व राज्यांमधून सत्तेबाहेर फेकली जाईल, असा थेट इशारा त्यांनी दिला आहे. तसेच योजना आयोगाचे नाव बदलणे, CBI, RBIच्या कार्यात केंद्र सरकारच्या हस्तक्षेपाबाबत सांगत गौतम यांनी आपल्याच पक्षाच्या कार्यशैलीवर प्रचंड टीका केली.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.