Credit Card | किराणा माल आणि पेट्रोल पंपावर या क्रेडिट कार्डवर अनेक फायदे मिळतील

Credit Card | बॉब फायनान्शिअल आणि हिंदुस्तान पेट्रोलियम (एचपीसीएल) यांनी संयुक्तपणे को-ब्रँडेड कॉन्टॅक्टलेस रुपे क्रेडिट कार्ड लाँच केले आहेत. नॅशनल पेमेंट्स कॉर्पोरेशन ऑफ इंडियाच्या (एनपीसीआय) भागीदारीत हे कार्ड लाँच करण्यात आले आहे. या कार्डची खास गोष्ट म्हणजे युटिलिटी, ग्रोसरी आणि डिपार्टमेंटल स्टोअर्समध्ये याचा वापर करून तुम्हाला बक्षीसं मिळू शकतील.

जगभरातील एटीएममध्ये वापरता येणार :
विशेष म्हणजे हे कार्ड जेसीबी नेटवर्कच्या माध्यमातून जगभरातील व्यापारी आणि एटीएममध्ये वापरता येणार आहे. बीओबी फायनान्शिअल ही बँक ऑफ बडोदा (बीओबी) ची संपूर्ण मालकीची उपकंपनी आहे.

असे अनेक फायदे आहेत :
१. एचपीसीएल बीओबी रुपे कॉन्टॅक्टलेस क्रेडिट कार्डधारकांना एचपीसीएल फ्युएल पंप आणि एचपी पे अॅपवर २४ रिवॉर्ड पॉइंट (प्रति १५० रुपये खर्च) पर्यंतची कमाई करता येणार आहे.
२. याशिवाय एचपीसीएल पंपावर किंवा एचपी पेवर इंधन खरेदीवर 1 टक्के इंधन अधिभार सवलतीचा लाभही कार्डधारकांना मिळणार आहे.
३. कार्ड जारी झाल्यानंतर ६० दिवसांच्या आत ५ हजार रुपये किंवा त्यापेक्षा अधिक खर्च करणाऱ्या ग्राहकांना २ हजार बोनस रिवॉर्ड पॉइंट्स मिळणार आहेत.
४. युटिलिटी, ग्रोसरी आणि डिपार्टमेंटल स्टोअर्समध्ये या सह-ब्रँडेड क्रेडिट कार्डच्या वापरामुळे १० रिवॉर्ड पॉईंट्स (किंमत प्रति १५० रुपये) आणि इतर श्रेणींवर २ रिवॉर्ड पॉईंट्स मिळतील.
५. सिनेमाच्या तिकीट बुकिंगमध्ये कार्डचा वापर केल्यास आकर्षक सूट मिळणार आहे. कार्डधारकांना डोमेस्टिक एअरपोर्ट लाउंजला दरवर्षी ४ कॉम्प्लिमेंटरी भेटी मिळण्याचा हक्क असेल.

डिजिटल पेमेंटला प्रोत्साहन दिले जाईल:
बीएफएसएलचे एमडी आणि सीईओ शैलेंद्र सिंह म्हणाले, “या सह-ब्रँडेड क्रेडिट कार्डसाठी एचपीसीएलशी करार केल्यामुळे आमच्या वाढीचा वेग आणखी वाढेल. यामुळे बँक ऑफ बडोदा क्रेडिट कार्डला ग्राहकांच्या पसंतीचे कार्ड बनण्यास मदत होईल.” एचपीसीएलचे रिटेलचे कार्यकारी संचालक संदीप माहेश्वरी म्हणतात, “एचपी पे अॅपद्वारे ग्राहकांना त्यांचे इंधन आणि एचपी गॅस खरेदी करण्यासाठी कार्डच्या अनोख्या फायद्यांचा आनंद घेता येईल. को-ब्रँडेड क्रेडिट कार्डमुळे एचपीसीएल रिटेल आउटलेट्समध्ये डिजिटल पेमेंट इकोसिस्टमला चालना मिळेल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Credit Card for Grocery and Petrol purchase check details here 25 May 2022.