CBI प्रमुख आलोक वर्मा यांची पुन्हा उचलबांगडी; पंतप्रधानांचा २-१ मतांनी तडकाफडकी निर्णय

नवी दिल्ली : CBI चे संचालक आलोक वर्मा यांना सीबीआयच्या प्रमुख पदावरून हटविल्याच्या निर्णयाला स्थगिती देत सुप्रीम कोर्टाने त्यांना पुन्हा रुजू होण्यास सांगितले होते. दरम्यान, त्यांनी बुधवारी कोर्टाच्या निर्णयाप्रमाणे पदभार सुद्धा स्वीकारला होता. परंतु, आज त्यांची तडकाफडकी गच्छंती करण्यात आली आहे. त्यामुळे अनेकांनी आश्चर्य व्यक्त केले आहे.

मोदींनी यांनी आज सायंकाळी त्यांच्या निवासस्थानी नियुक्ती समितीची बैठक बोलावली होती. या समितीमध्ये एकूण ३ सदस्य असतात. यामध्ये सीक्री आणि काँग्रेसचे सभागृह नेते मल्लिकार्जुन खरगे हे देखिल यावेळी उपस्थित होते. यामध्ये खरगे यांनी वर्मा यांच्या गच्छंतीला तीव्र विरोध केला असल्याचे वृत्त आहे. परंतु, पंतप्रधानांच्या अध्यक्षतेखालील समितीमध्ये २-१ मतांनी आलोक वर्मा यांच्या उचलबांगडीच्या निर्णयावर शिक्कामोर्तब करण्यात आले. वर्मा यांना कनिष्ठ दर्जाच्या होमगार्ड, नागरी सुरक्षा आणि अग्निशमन सेवा यावर महासंचालक बनविण्यात आले आहे.

आजच सायंकाळी आलोक वर्मा यांनी CBIच्या ५ वरिष्ठ अधिकाऱ्यांची पुन्हा त्यांच्या जुन्या पदावर बदली केली होती. त्यात सह-संचालक अजय भटनागर, डीआयजी एम के सिन्हा, तरुण गौबा, मुरमगेसन आणि अतिरिक्त संचालक ए. के. शर्मा यांच्या बदल्या करण्यात आल्या आहेत. दरम्यान, CBIचे विशेष अधिकारी राकेश अस्थाना आणि DSP देवेंद्र कुमार यांच्याविरोधातील आरोपांवर दिल्ली हायकोर्टात उद्या सुनावणी होणार असल्याचे वृत्त आहे.

The Selection Panel has recommended the transfer of Alok Verma as CBI Chief. The ACC has subsequently posted Alok Verma as DG, Fire Services, Civil Defence, and Home Guards. pic.twitter.com/FYGimnDZjT

— ANI (@ANI) January 10, 2019

Delhi High Court to pronounce its verdict tomorrow on a petition filed by CBI Special Director Rakesh Asthana & DSP Devendra Kumar seeking quashing of the FIR against them. pic.twitter.com/kurDMH8D90

— ANI (@ANI) January 10, 2019