Realme C30 | रियलमीचा स्वस्त फोन आज होणार लाँच | रियलमी C30 फोनचे फीचर्स जाणून घ्या

Realme C30 | रियलमी आज सोमवारी (20 जून) आपला स्वस्त स्मार्टफोन रियलमी सी 30 भारतीय बाजारात लाँच करणार आहे. दुपारी १२.३० वाजता हा स्मार्टफोन लाँच होणार असून ई-कॉमर्स वेबसाइट फ्लिपकार्टवर याची विक्री होणार आहे. लाँचिंगपूर्वीच फोनचे फोटो आणि बहुतांश फीचर्स समोर आले आहेत. फोनचे सर्वात मोठे वैशिष्ट्य म्हणजे याचे डिझाइन, जे तुम्हाला वनप्लस 10 आर ची आठवण करून देऊ शकते. चला जाणून घेऊया फोनची अधिक माहिती.

Realme C30 ची वैशिष्ट्ये :
रियलमी सी ३० स्मार्टफोनमध्ये युनिसोक टी ६१२ प्रोसेसर असणार आहे. परफॉर्मन्समध्ये हा प्रोसेसर स्नॅपड्रॅगन 665 सारखाच राहू शकतो. डिझाइनबद्दल बोलायचे झाले तर, यात सपाट कडा असलेल्या वॉटरड्रॉप नॉचसह डिस्प्ले असेल. मागच्या बाजूला स्ट्रिपसारखे डिझाइन आणि एलईडी फ्लॅशसह सिंगल रियर कॅमेरा देण्यात आला आहे. मागील कॅमेऱ्याचा आकार बराच मोठा ठेवण्यात आला आहे. हा कॅमेरा १३ मेगापिक्सलचा असणार आहे.

सेल्फीसाठी 5 मेगापिक्सलचा फ्रंट कॅमेरा :
फोनमध्ये ६.५८ इंचाचा फुलएचडी+ आयपीएस एलसीडी डिस्प्ले मिळेल. सेल्फीसाठी यात 5 मेगापिक्सलचा फ्रंट कॅमेरा असणार आहे. फोनमध्ये ५,० एमएएचची बॅटरी आहे, जी दिवसभर चालते. ही बॅटरी १० वॉट चार्जिंगला सपोर्ट करते आणि मायक्रो-यूएसबी चार्जिंग पोर्टसह येते. फोनमध्ये खालच्या बाजूला ३.५ एमएम हेडफोन जॅक, उजव्या बाजूला व्हॉल्यूम आणि पॉवर बटण आणि डाव्या बाजूला सिम कार्ड स्लॉट आहे. फोनचे वजन १८२ ग्रॅम आहे.

काय असेल किंमत :
रियलमी सी ३० स्मार्टफोन अँड्रॉइड १२ गो एडिशनवर आधारित रियलमी यूआयवर काम करेल. हे लेक ब्लू, बांबू ग्रीन आणि डेनिम ब्लॅक या 3 कलर ऑप्शनमध्ये उपलब्ध असेल. हँडसेट भारतासाठी २ जीबी + ३२ जीबी आणि ३ जीबी + ३२ जीबी मेमरी कॉन्फिगरेशनमध्ये येण्याची शक्यता आहे. येथे याची किंमत सुमारे १२ हजार रुपये असू शकते.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Realme C30 smartphone will be launch today check price in India 20 June 2022.