IMF Alert | जगात लवकरच आर्थिक मंदी येऊ शकते, एप्रिलपासून परिस्थिती अतिशय बिकट - आयएमएफ'चा इशारा

IMF Alert | आंतरराष्ट्रीय नाणेनिधीने (आयएमएफ) जागतिक मंदीबाबत प्रथमच स्पष्टपणे भाष्य केले आहे. ‘आयएमएफ’चे मुख्य अर्थतज्ज्ञ पिएर ऑलिव्हर गोरिंकस म्हणाले, जग पुन्हा एकदा मंदीच्या उंबरठ्यावर येऊन ठेपले आहे. यावेळी दोन वर्षांच्या अंतरानेच मंदी येत असल्याचे दिसून येत आहे.

जागतिक अर्थव्यवस्था आणखी एका मंदीच्या जवळ :
त्यांनी २६ जुलै रोजी एका लेखात म्हटले आहे की, जागतिक अर्थव्यवस्था आणखी एका मंदीच्या जवळ आली आहे. एप्रिलपासून परिस्थिती अत्यंत वाईट झाली असून लवकरच आपल्याला जागतिक मंदीचा सामना करावा लागू शकतो. यावेळी दोन वर्षांच्या अंतरानेच मंदी येत आहे. ‘आयएमएफ’ने आपल्या ताज्या अहवालात जागतिक अर्थव्यवस्थेच्या वाढीचा अंदाज २०२२साठी ०.४० टक्क्यांनी कमी करून ३.२ टक्क्यांवर आणला आहे, तर ‘आयएमएफ’ने २०२३ साठीचा विकासदराचा अंदाज ०.७ टक्क्यांनी कमी करून तो २.९ टक्क्यांवर आणला आहे.

पुढे गोष्टी आणखी वाईट होऊ शकतात :
जागतिक अर्थव्यवस्थेच्या विकासदरात झालेली कपात ही सध्याच्या परिस्थितीनुसार सर्वसाधारण परिस्थितीवर आधारित आहे, असे आयएमएफने म्हटले आहे. रशियाने युरोपीय देशांना होणारा गॅसपुरवठा बंद केला, तर परिस्थिती आणखी वाईट होत जाईल. अशा परिस्थितीत जागतिक जीडीपीचा विकास दर 2022 मध्ये 2.6% आणि 2023 मध्ये 2% राहण्याचा अंदाज आहे.

रशियामुळे अमेरिका-युरोप विकास दर शून्यावर येणार :
रशियाने युरोपला गॅसचा पुरवठा बंद केला तर अमेरिका आणि युरोप या दोन्ही देशांचा विकासदर पुढील वर्षी शून्य असेल, असे आयएमएफने म्हटले आहे. याचा इतर देशांवरही मोठा परिणाम होईल, कारण अमेरिका ही सर्वात मोठी अर्थव्यवस्था आहे आणि मंदी आली तर जागतिक अर्थव्यवस्था खराब होईल.

अमेरिकेत तांत्रिक मंदी येणार आहे :
अमेरिका बहुधा तांत्रिक मंदीच्या गर्तेत जाण्याची शक्यता आहे. वास्तविक, सलग दोन तिमाहीपर्यंत विकास दर शून्याच्या खाली राहिल्यावर तांत्रिक मंदी जाहीर केली जाते. अमेरिकेत नुकत्याच जाहीर झालेल्या आकडेवारीनुसार जानेवारी-मार्चमध्ये तेथील विकासदर शून्यापेक्षा १.६ टक्क्यांनी कमी होता, तर फेडरल रिझर्व्ह बँक ऑफ अटलांटा यांनी एप्रिल-जून या तिमाहीत शून्यापेक्षा कमी १.६ टक्के विकासदराचा अंदाज वर्तवला आहे. नवे आकडे येताच अमेरिका तांत्रिकदृष्ट्या मंदीच्या गर्तेत जाऊ शकते.

महागाईत मंदीचा फटका :
एकीकडे आयएमएफने जगाच्या विकासदराच्या अंदाजांना कात्री लावली आहे, तर दुसरीकडे महागाईच्या अंदाजित आकडेवारीत वाढ होणार आहे. अन्न आणि इंधनाच्या वाढत्या दरांमुळे जागतिक ग्राहक किंमत महागाई २०२२ मध्ये सरासरी ८.३ टक्के राहणार असल्याचे आयएमएफने म्हटले आहे. एप्रिलमध्ये तो 7.4% होता. मात्र, २०२३ मध्ये महागाईचा अंदाज ५.७ टक्क्यांवर येईल.

मात्र मंदीच्या बाबतीत भारताची परिस्थिती सध्यातरी ठीक आहे, परंतु भविष्यात याचे परिणाम भारतातही उमटणार हे वास्तव आहे. भारतात अनेक वर्षांपासून स्वत:ची प्रचंड बाजारपेठ आणि ग्राहकवर्ग असलेली उत्पादन आणि उत्पादनाची लांबलचक साखळी आहे, जी जागतिक मंदीचा फारसा परिणाम दाखवणार नाही. मात्र निर्यातीवर परिणाम होऊ शकतो, त्यामुळे विकास दर काहीसा मंदावेल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: IMF Alert on world recession check details 27 July 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.