मलकापूर नगरपालिकेत पृथ्वीबाबांनी भाजपला लोळवलं

कराड : राज्याचे माजी मुख्यमंत्री पृथ्वीराज चव्हाण आणि भारतीय जनता पक्षाचे नेते अतुल भोसले यांची राजकीय प्रतिष्ठा पणाला लागलेल्या मलकापूर नगरपरिषदेच्या मतमोजणीला सकाळी सुरुवात झाली. परंतु, मतदानानंतरचे प्राथमिक कल पाहता काँग्रेस आणि भारतीय जनता पक्षात घमासान होण्याची शक्यता वर्तविण्यात आली होती.

परंतु, मलकापूर नगरपालिका निवडणुकीत काँग्रेसने १९ पैकी १४ जागांवर विजय प्राप्त करत भाजपला अक्षरशः लोळवलं आहे. भारतीय जनता पक्षाने सर्व ताकद पणाला लावून सुद्धा, १९ पैकी केवळ ५ जागा राखल्या आहेत. तसेच, नगराध्यक्षपदी सुद्धा काँग्रेसच्या उमेदवार निलम येडगे यांचा २७० मतांनी विजय झाला आहे. त्यामुळे राज्याचे माजी मुख्यमंत्री पृथ्वीराज चव्हाण यांनी एकप्रकारे कराडमधील स्वतःच वजन दाखवून दिलं आहे.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.