फडणवीसांकडून काँग्रेस -राष्ट्र्वादीतील आयात नेत्यांना मंत्रीपदासाठी प्राधान्य | पण भाजप पक्ष वाढवणाऱ्यांना पुन्हा नारळ

Pankaja Munde | मुख्यमंत्री एकनाथ शिंदे यांच्या मंत्रिमंडळात कोण कोण असणार हे आता निश्चित झालं आहे. छोटेखानी मंत्रिमंडळ विस्तारात १८ जणांना संधी देण्यात आली आहे. भाजप आणि शिंदे गटातून कोण-कोण शपथ घेणार, त्या नेत्यांच्या नावावरही आता शिक्कामोर्तब झालं आहे.

राज्यभवनातील दरबार हॉलमध्ये झालेल्या शपथविधी समारंभात राज्यपाल भगतसिंह कोश्यारी यांनी १८ जणांना मंत्रीपदाची शपथ दिली. तब्बल महिनाभर लांबलेल्या मंत्रिमंडळ विस्तारात कुणाला संधी मिळणार याची उत्सुकता होती. मात्र, शपथविधीने चित्र स्पष्ट झालं असून, मंत्रीपदासाठी इच्छुक असलेल्या अनेकांना डच्चू मिळाला आहे.

या शपथविधी सोहळ्यात राधाकृष्ण विखे पाटील यांनी पहिली शपथ घेतली. त्यांच्यानंतर भाजपचे नेते सुधीर मुनगंटीवार यांनी शपथ घेतली. तिसरा क्रमांक हा चंद्रकांत पाटील यांचा लागला आहे. पाटील यांनीही इश्वराला साक्षी ठेवून शपथ घेतली. त्यानंतर विजय कुमार गावित यांनी मंत्रिपदाची शपथ घेतली. त्यांच्यानंतर भाजपचे संकटमोचक आणि फडणवीस यांचे खास असलेले गिरीश महाजन यांनी शपथ घेतली. सहाव्या क्रमांकावर शिंदे गटाकडून गुलाबराव पाटील यांनी शपथ घेतली. त्यानंतर दादा भुसे यांनी शपथ घेतली.

भाजपकडून काँग्रेस-राष्ट्र्वादीतील आयात नेत्यांना प्रथम संधी :
राज्य भाजपात फडणवीसांची चलती असल्याने विधान परिषदेतील नेत्यांना मंत्रीपदी संधी मिळणार नाही अशी राजकीय पुडी सोडून अनेक दिगज्जांचा पत्ता कट केला आहे. विशेष म्हणजे काँग्रेस आणि राष्ट्रवादीतील राधाकृष्ण विखे-पाटील आणि विजय गावित या आयात नेत्यांना प्राधान्याने संधी देण्यात आली आहे. मात्र दुसऱ्या बाजूला पंकजा मुद्दे यांना पुन्हा डावलण्यात आलं आहे अशी चर्चा सुरु झाली आहे. पंकजा मुंडे यांनी शपथ घेतलेल्या नेत्यांना शुभेच्छा दिल्या आहेत मात्र त्यांचे समर्थक अत्यंत संतापल्याचं त्यांच्या ट्विटरवरील प्रतिक्रियेतून स्पष्ट होतंय.

नवनिर्वाचित मंत्री मंडळातील सर्व मंत्री महोदय यांचे अभिनंदन…. महाराष्ट्र अपेक्षा ठेवून पाहत आहे आपल्याकडे त्या अपेक्षा पूर्ण करण्यासाठी शुभेच्छा… विकास आणि विश्वास याची जोड ठेवून तुम्ही सर्व जण काम करून महाराष्ट्र राज्याची भरभराट कराल अशी शुभकामना 🙏🏻..

— Pankaja Gopinath Munde (@Pankajamunde) August 9, 2022

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: State BJP old leaders excluded from ministries oath check details 09 August 2022.