2022 Mahindra Scorpio Classic | 2022 महिंद्रा स्कॉर्पिओ क्लासिक लाँच होणार, तारीख, किंमत आणि फीचर्स जाणून घ्या

2022 Mahindra Scorpio Classic | महिंद्राने अधिकृतरित्या जाहीर केले आहे की नवीन स्कॉर्पिओ क्लासिक १२ ऑगस्ट रोजी लाँच केले जाईल. महिंद्रा स्कॉर्पिओ क्लासिक ही जुन्या पिढीतील स्कॉर्पिओची फेसलिफ्टेड आवृत्ती आहे. हे दोन व्हेरिएंटमध्ये दिले जाईल आणि नुकत्याच लाँच झालेल्या महिंद्रा स्कॉर्पिओ-एनसह विकले जाईल. चला जाणून घेऊया नवीन महिंद्रा स्कॉर्पिओ क्लासिकमध्ये कोणती वैशिष्ट्ये सापडणे अपेक्षित आहे.

डिझाइन आणि वैशिष्ट्ये :
आपल्या अधिकृत पदार्पणापूर्वी, नवीन स्कॉर्पिओ क्लासिक डीलरशिपमध्ये येण्यास सुरवात केली आहे. डिझाइनबद्दल बोलायचं झालं तर स्कॉर्पिओ क्लासिकमध्ये जुन्या मॉडेलच्या तुलनेत किरकोळ बदल करण्यात येणार आहेत. पुढच्या बाजूला ६ व्हर्टिकल क्रोम स्लॅट्स आणि मधोमध महिंद्राचा नवा ‘ट्विन पीक्स’ लोगो असलेला नवा ब्लॅक-आऊट ग्रिल मिळेल.

या मिड-साइज एसयूव्हीमध्ये नवीन ड्युअल-टोन अलॉय व्हील्ससह री-स्टाईल बंपर आणि फॉग लॅम्प असेंब्ली देखील मिळेल. याच्या रिअर प्रोफाइलमध्ये कोणताही बदल करण्यात येणार नाही. आतील बाजूस, नवीन स्कॉर्पिओ क्लासिक डॅशबोर्डवर पियानो ब्लॅक इन्सर्ट्स आणि सेंट्रल कन्सोलवर गडद लाकडी फिनिश मिळेल. फिचर्सबद्दल बोलायचं झालं तर अँड्रॉइड बेस्ड टचस्क्रीन इन्फोटेनमेंट सिस्टिम, नवीन टच-सेन्सिटिव्ह कंट्रोल्स यासह बरंच काही मिळण्याची अपेक्षा आहे.

इंजिनसह इतर तपशील :
नव्या महिंद्रा स्कॉर्पिओ क्लासिकमध्ये आधीच्या मॉडेलप्रमाणेच 2.2 लीटर एमएएचडब्ल्यूके डिझेल इंजिन असणार आहे. हे १३६ बीएचपी आणि ३१९ एनएम पीक टॉर्क जनरेट करते. हे इंजिन केवळ 6-स्पीड मॅन्युअल गिअरबॉक्सशी जोडले जाईल आणि आरडब्ल्यूडी सेट-अपसह दिले जाईल. तसेच रि ट्यून सस्पेन्शनही मिळणार आहे. नव्या महिंद्रा स्कॉर्पिओ क्लासिकच्या किंमती या महिन्याच्या अखेरीस जाहीर होण्याची शक्यता आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: 2022 Mahindra Scorpio Classic will be launch on 12 August check details 10 August 2022.