केवळ निवडणूकपूर्व घोषणांचा अर्थसंकल्प ठरण्याची शक्यता? अनेक अर्थतज्ज्ञांना शंका

नवी दिल्ली : बजेट २०१९ आज लोकसभेत अर्थमंत्री पियुष गोयल सादर करणार आहेत. नरेंद्र मोदी सरकारच्या वतीने आज ते संसदेत लोकसभा निवडणूकपूर्व अर्थसंकल्प सादर करणार आहेत. सकाळी ११ वाजता अरुण जेटली यांच्या अनुपस्थितीत हंगामी अर्थमंत्री पीयूष गोयल हे यंदाचा हंगामी अर्थसंकल्प सादर करतील.

२०१९ हे निवडणूक वर्ष लक्षात असल्याने यामध्ये निवडणूकपूर्व घोषणांचा अधिक समावेश असण्याची शक्यता अनेक अर्थतज्ज्ञांनी व्यक्त केली आहे. लोकसभा बरखास्त होण्याला आणि लोकसभा निवडणुका जाहीर होण्याला कमी कालावधी असल्याने सरकार दूर दृष्टिकोनातून विचार करण्यापेक्षा संभाव्य मतदारांना जास्तीत खुश करण्याचा प्रयत्न करेल असं अनेकांना वाटत आहे.

या हंगामी अर्थसंकल्पाद्वारे पुढील ४ महिन्यांच्या खर्चासाठी संसदेची अधिकृत मंजुरी देखील घेतली जाईल. देशभरातील बळीराजासाठी आणि विशेष करून मध्य भारतातील विधानभा निवडणुकांतील पराभवाचे प्रमुख कारण डोळ्यासमोर ठेवून शेतकरी असंतोषावर उपाय केले जातील आणि मतपेटी घट्ट करण्याचा प्रयत्न केला जाईल. दरम्यान विविध कृषी योजनांवर सत्तर हजार ते एक लाख कोटी रुपयांची तरतूद केली जाण्याची शक्यता आहे. तेलंगणातील रायतू बंधू, मध्य प्रदेशमधील भावांतर तसेच ओदिशातील कालिया या योजनांची कॉपी करण्याचा प्रयत्न केला जाईल अशी शक्यता वर्तविण्यात येत आहे.

Mallikarjun Kharge: They’ll try to introduce populist schemes in the Budget keeping an eye on Lok Sabha polls. Budgets they’ve presented so far haven’t really benefitted general public. Only ‘Jumlas’ will come out today. They’ve only 4 months when will they implement the schemes? pic.twitter.com/RtGEDw6OzV

— ANI (@ANI) February 1, 2019