FD vs RD vs PPF | एफडी, आरडी किंवा पीपीएफ पैकी फायद्याचा पर्याय कोणता?, गॅरंटीड रिटर्न स्कीमचे फायदे काय आहेत

FD vs RD vs PPF | जर तुम्हाला तुमच्या भविष्यासाठी बचत करायची असेल तर तुम्ही वेळीच एखाद्या योजनेत गुंतवणूक करायला हवी. आजकाल बाजारात गुंतवणुकीचे अनेक पर्याय आहेत, पण तुमच्यासाठी कोणता पर्याय योग्य आहे. जर तुम्ही हे ठरवू शकत नसाल तर आम्ही तुम्हाला अशाच काही गुंतवणूक योजना सांगणार आहोत, ज्यामुळे तुमच्या गुंतवणुकीवरील जोखीमही कमी होईल आणि तुम्हाला उत्तम परतावा मिळेल. करिअरच्या सुरुवातीच्या काळात गुंतवणुकीचा विचार करायला हवा. जेणेकरून तुम्ही तुमच्या भविष्यासाठी पैसे सुरक्षित करू शकाल.

तसे पाहिले तर गुंतवणुकीचा उत्तम मार्ग म्हणजे मुदतठेवी. मुदत ठेवींमध्ये गुंतवणूक केल्यावर बचत खात्यापेक्षा अधिक व्याज मिळते. मुदतठेवी खाते उघडण्यासाठी तुम्ही कोणत्याही खासगी किंवा सरकारी बँकेत जाऊ शकता. खात्याशी संबंधित काही औपचारिकता पूर्ण करून तुम्ही तुमचे पैसे सहज गुंतवू शकता. या गुंतवणुकीची खास गोष्ट म्हणजे तुम्हाला पैशांची गरज असेल तर तुम्ही इथून सहज पैसे काढू शकता.

फिक्स्ड डिपॉजिट (एफडी) :
मुदत ठेव ही बचत योजना आहे. ज्यामध्ये ठराविक कालावधीसाठी रक्कम गुंतवली जाते. यामध्ये कालावधी पूर्ण झाल्यावर गुंतवलेल्या रकमेवर निश्चित व्याजदराने पैसे मिळतात. एफडीमध्ये, आपल्याला मॅच्युरिटीवर मुद्दल आणि चक्रवाढ व्याज मिळते.

आरडी स्कीम (आरडी) :
आरडी योजनांमधील बचतीचे सर्वात मोठे वैशिष्ट्य म्हणजे ते जोखीम न घेता उत्तम परतावा देते. आरडीमध्ये गुंतवणूक करणे पूर्णपणे सुरक्षित आहे. आरडीमध्ये जमा झालेल्या पैशांची हमी सरकारकडून दिली जाते. या योजनेत गुंतवणूक बुडाली तरी त्याची भरपाई सरकारकडून केली जाते.

पब्लिक प्रॉव्हिडंट फंड (पीपीएफ) :
पब्लिक प्रॉव्हिडंट फंड (पीपीएफ) ही देखील सरकारी उपक्रमाद्वारे चालविली जाणारी योजना आहे. यातही गुंतवणूक शंभर टक्के सुरक्षित आहे. पीपीएफवरील व्याजदर सरकार ठरवते. ‘पीपीएफ’मधील गुंतवणुकीसाठी एका आर्थिक वर्षात एकरकमी किंवा जास्तीत जास्त १२ हप्त्यांमध्ये पैसे जमा करता येतात. या योजनेत दीड लाख रुपयांपर्यंत गुंतवणूक करता येईल. पीपीएफमध्ये गुंतवणूक करणाऱ्या गुंतवणूकदारासाठी तीन प्रकारचे कर लाभ आहेत. ‘पीपीएफ’मध्ये गुंतविलेल्या पैशांवर कर वजावट मिळत नाही, तसेच व्याज व मुदतपूर्तीच्या रकमेवर करही नाही.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: FD vs RD vs PPF investment best options check details 11 September 2022.