रोजगारावर भाजप किती खरं बोलतंय?, राज्यातील तरुणांनी रोजगारासंबंधित हे वास्तव समजून घेतल्यास शिंदे-फडणवीसांचा राजकीय खेळ समजेल

Former CM Uddhav Thackeray | फॉक्सकॉन गुजरातला गेल्याच खापर सत्ताधारी महाविकास आघाडी सरकारवरती फोडत असले तरी तत्कालीक सरकारच्या काळात उद्योगासाठी वाटप केलेल्या भूखंडाना शिंदे सरकारनेच स्थगिती दिल्याने हजारो कोटींची गुंतवणूक ठप्प झाल्याची माहिती समोर आली आहे. औद्योगिक विकास महामंडळाने विविध स्तरावरती वाटप केलेल्या भूखंडाला स्थगिती दिल्याने पुनर्वलोकनाच्या नावाखाली दीड महिन्यापासून हजारो कोटींची गुंतवणूक असलेले उद्योगांचे प्रस्ताव धूळखात पडून आहेत, त्यामुळे उद्योग विश्वात नाराजीचा सूर असून मुंबई, पुणे, ठाण्यासह विदर्भ मराठवाड्यातील 30 ते 40 हजार कोटींची गुंतवणूक आणि लाखो तरुणांना मिळू शकणारा रोजगार शिंदे सरकारच्या राजकीय द्वेषातील स्थगित्यांमुळे खोळंबला आहे.

फॉक्सकॉन गुजरातला गेल्याच्या आरोपांना प्रतिउत्तर देताना काल उपमुख्यमंत्री देवेंद्र फडणवीस यांनी मागील महाविकास आघाडी सरकारने काहीच केलं नसल्याचा आरोप केला. त्यांच्या आरोप फॉक्सकॉनला धरून असला तरी फडणवीसांचा रोख हा नेहमी माजी मुख्यमंत्री उद्धव ठाकरे यांनी काहीच न करता दोन वर्ष घरीच बसून होते अशाच राजकीय तोऱ्यात असतो. त्यासाठी संपूर्ण राज्यातील भाजप नेते आणि त्यासोबत आता मुख्यमंत्री एकनाथ शिंदे गट सुद्धा कोरोना काळातील परिस्थितीचा आधार घेतात. पण भाजप नेत्यांचे आणि शिंदे गटाचे आरोप खरे आहेत का? किंवा उद्धव ठाकरे मुख्यमंत्री असताना कोरोनाकाळात दीड-दोन वर्ष काहीच करत नव्हते आणि त्यांनी भूमिपुत्रांना रोजगार मिळवा यासाठी महाविकास आघाडी सरकारच्या वतीने काहीच काम केलं नाही यात किती तथ्य आहे ते जाणून घेण्याचा प्रयत्न केला. मात्र त्यातून समोर आलेल्या अधिकृत माहितीच्या आधारे भाजप नेते आणि शिंदे गट धांदात खोटं बोलत आहेत, असंच म्हणावं लागेल.

वास्तविक, कोरोनाकाळात भारत आणि महाराष्ट्रासह संपूर्ण जग हे जागतिक आरोग्य संघटनेच्या नियमावलीप्रमाणे सर्व प्रशासन चालत होतं. अगदी कोरोना काळातील अत्यंत बिकट असलेले पहिले 12-13 महिने सोडले तर वर्ल्ड बँक, आयएमएफ ते अगदी राज्य (MIDC) स्तरावरील प्रशासकीय यंत्रणा कोरोना नियमांचे पालन करत व्हर्च्युअली पुन्हा कामाला लागल्या होत्या. तत्कालीन मुखमंत्री उद्धव ठाकरे स्वतः देशभरातील उद्योजकांच्या भेटी घेऊन त्यांच्या समस्या जाणून घेत असताना राज्यात गुंतवणूक कशी वाढेल आणि भूमिपुत्रांना अधिक रोजगार कसा मिळेल यासाठी सरसावले होते. मात्र मागील सरकारच्या दोन वर्षाच्या काळात काहीच झालं नसल्याचं सांगणारे विद्यमान मुख्यमंत्री कदाचित तेव्हा दोन वर्ष शिवसेना फोडण्याची मायक्रो योजना अंमलात आणण्यात व्यस्त असावेत म्हणून त्यांना मंत्री पदी असूनही नेमकं राज्यात काय सुरु आहे ते माहिती नसावं असं खालील पुरावे सांगत आहेत.

CM Uddhav Balasaheb Thackeray today oversaw the work on the AURIC city project – a part of the Delhi-Mumbai Industrial Corridor. This massive project will give a significant impetus to commerce, industries & job opportunities in the state. pic.twitter.com/obnVXKBhYx

— CMO Maharashtra (@CMOMaharashtra) September 17, 2021

आता तत्कालीन मुख्यमंत्री उद्धव ठाकरेंचं सरकार कसं कामं करत होतं आणि किती उद्योग व रोजगार निर्माण करत होते समजून घ्या.

१. ६ ऑगस्ट रोजी २१०० कोटी रुपयांची गुंतवणूक करून औषधनिर्मिती क्षेत्रात २५०० रोजगार निर्मिती करणाऱ्या दिंडोरीतील रिलायन्स लाइफ सायन्सेस सोबत राज्य सरकारने सामंजस्य करार (MoU) केला होता. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

It’s our immense pleasure to welcome Reliance Life Sciences in Dindori with investment of ₹2100Cr, generating 2500 jobs in pharma sector. This investment will be a landmark in the growth story of #MagneticMaharashtra@Subhash_Desai
@DIPPGOI#OpenForBusiness #Maharashtra

— MIDC India (@midc_india) August 6, 2021

२. इथेनॉलसाठी उमरेड, एमआयडीसी नागपूर येथे ३७० कोटी रुपयांची गुंतवणूक करणाऱ्या बैद्यनाथ ग्रुपने राज्य सरकारसोबत १० ऑगस्ट २०२१ रोजी सामंजस्य करार (MoU) केला होता. राज्य सरकारच्या पुढाकाराने एमआयडीसीने विक्रमी वेळेत 45 एकर जमीन वाटप केले होते, कारण यामुळे 300 लोकांना रोजगार मिळणे अपेक्षित होते, विशेष म्हणजे शेतकऱ्यांना त्यांचे उत्पन्न वाढण्यास मदत होणार होती आणि जीवाश्म इंधनावरील आपले अवलंबित्व कमी करण्यास यामुळे मदत होईल असे एमआयडीसी इंडियाने अधिकृत माहिती देताना म्हटले होते.

We are delighted to welcome @baidyanathgroup, who will invest INR 370 cr in Umred, @MidcNagpur for ethanol. MIDC has allocated 45 acres land in record time as this will generate employment for 300 persons,help farmers increase their income and reduce our dependence on fossil fuel

— MIDC India (@midc_india) August 10, 2021

3. जेएसडब्ल्यूएनर्जीने संपूर्ण महाराष्ट्रात 35,000 कोटींची गुंतवणूक करण्याचा निर्णय घेतला होता. त्यासाठी राज्य सरकारसोबत अधिकृत सामंजस्य करार (MoU) केला होता. त्यासंबंधित अधिकृत माहिती ‘महाराष्ट्र एमआयडीच्या सीईओंनी ट्विट करून दिली होती.

Let the colour of growth in Maharashtra be green!@JSWEnergy decided to invest 35,000 crores across Maharashtra #sustainable #greenenergy #cleanenergy pic.twitter.com/oH5Z437YGK

— CEO MIDC (@midc_CEO) September 14, 2021

4. राज्य सरकार व एमआयडीसी इंडियाने 1 ऑक्टोबर 2021 रोजी कॉसिस ई-मोबिलिटीसह सामंजस्य करार केला होता. २८०० कोटींच्या या गुंतवणुकीसह तळेगाव येथील या ईव्हीजच्या कारखान्यामुळे १२५० रोजगार उपलब्ध होणार आहे. तसेच यामुळे वातावरणबदल नियंत्रण करण्यास मदत होईल. याबद्दल अधिकृत माहिती त्याच वेळी पर्यावरण मंत्री आदित्य ठाकरेंनी दिली होती.

आज राज्य सरकार व @midc_india ने कॉसिस ई-मोबिलिटीसह सामंजस्य करार केला. २८०० कोटींच्या या गुंतवणुकीसह तळेगाव येथील या ईव्हीजच्या कारखान्यामुळे १२५० रोजगार उपलब्ध होतील. तसेच यामुळे वातावरणबदल नियंत्रण करण्यास मदत होईल. pic.twitter.com/JHw51u7ACE

— Aaditya Thackeray (@AUThackeray) October 1, 2021

5. तसेच २० नोव्हेंबर २०२१ रोजी औद्योगिकीकरण आणि रोजगारांना चालना देण्यासाठी उद्योग विभागाने सुभाष देसाई आणि मंत्री अदिती तटकरे यांच्या उपस्थितीत दुबईच्या एक्स्पो 2020 मध्ये 15,260 कोटी रुपये (2 अब्ज डॉलर्स) किंमतीच्या प्रमुख गुंतवणूकदारांशी 24 सामंजस्य करार केले होते. त्याची अधिकृत माहिती एमआयडीसी इंडियाने ट्विट करून दिली होती.

We believe that industrialization and employment are key pillars of development, to fuel this belief industries department signed 24 MoUs with key investors worth INR 15,260 crores ($2 billion) at @expo2020dubai in presence of @Subhash_Desai and @iAditiTatkare @investindia

— MIDC India (@midc_india) November 20, 2021

6. ७ डिसेंबर २०२१ रोजी मॅग्नेटिक महाराष्ट्रच्या 8 व्या आवृत्तीत उद्योग विभागाने मुंबईत 5051 कोटी रुपयांच्या 12 सामंजस्य करारांवर स्वाक्षऱ्या केल्या होत्या, ज्यामुळे राज्यात 9000 हून अधिक रोजगार निर्मिती होईल. त्यावेळी तत्कालीन उद्योगमंत्री सुभाष देसाई, एसीएस (आय) श्री बलदेव सिंह आणि एमआयडीसीचे मुख्य कार्यकारी अधिकारी डॉ. पी. अनबलगन आज उपस्थित होते. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

In the 8th edition of Magnetic Maharashtra 2.0, Industries Department signed 12 MoUs worth INR 5051 cr in Mumbai, which will generate more than 9000 jobs in the state. Hon. Min. Industries @Subhash_Desai ji, ACS(I) Shri Baldev Singh & @midc_CEO Dr P Anbalagan were present today pic.twitter.com/gFaOsFmsfz

— MIDC India (@midc_india) December 7, 2021

7. नवी मुंबईतील प्रस्तावित इंडिया ज्वेलरी पार्कसाठी १३,८०० कोटी रुपयांची गुंतवणूक करण्यासाठी एमआयडीसीने जीजेईपीसीइंडियाबरोबर १९ जानेवारी २०२२ रोजी भाडेपट्ट्याने करार केला होता. जीजेईपीसी इंडियाच्या प्रतिनिधींनी राज्य सरकारच्या अखत्यारीतील एमआयडीसीच्या सीईओंसोबत दौराही केला होता. याबाबत अधिकृत माहिती प्रशासनाने दिली होती.

MIDC signed the agreement to lease with @GJEPCIndia today, achieving yet another milestone to realize INR 13,800 cr investment for the proposed India Jewellery Park at Navi Mumbai. @GJEPCIndia also gave a comprehensive tour of Bharat Diamond Bourse to @midc_CEO#magnetic #invest pic.twitter.com/JqwefRJ99L

— MIDC India (@midc_india) January 19, 2022

8. इंडोरामा व्हेंचरने महाराष्ट्र सरकारसोबत २३ मे २०२२ रोजी 600 कोटी रुपयांच्या सामंजस्य करार केला होता आणि ही नागपुरातील बुटीबोरी येथे गुंतवणूक करणार आहे, ज्यामुळे 1500 लोकांना रोजगार उपलब्ध होणार आहे.

Indorama @IVLTeam, has signed MoU with GoM worth INR 600 Cr and will be investing in Butibori, Nagpur, generating employment for 1500 people@wef #Davos2022 @AUThackeray @NitinRaut_INC @CMOMaharashtra @Subhash_Desai

— MIDC India (@midc_india) May 23, 2022

9. २३ मे २०२२ रोजी दावोस येथे स्वतः तत्कालीन उद्योगमंत्री सुभाष देसाई, पर्यावरण मंत्री आदित्य ठाकरे आणि ऊर्जा मंत्री नितीन राऊत आणि राज्य एमआयडीसीचे सीईओ (IAS) यांच्या उपस्थितीत इंडोनेशियातील अग्रगण्य पल्प अँड पेपर कंपनी सिनर्मास एपीपीसोबत 10500 कोटी रुपयांच्या सामंजस्य करारावर स्वाक्षऱ्या करण्यात आल्या होता. या गुंतवणुकीचा फायदा कोकण विभागातील रायगड जिल्ह्यात होणार आहे. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

MOU worth INR 10500 Cr. signed with @Sinarmas_APP, leading pulp and paper company from Indonesia at @wef, Davos. They will be investing in the Raigad district in Konkan region @Subhash_Desai @CMOMaharashtra @NitinRaut_INC @AUThackeray #Davos2022 pic.twitter.com/ko6EW9sHjg

— MIDC India (@midc_india) May 23, 2022

10. २३ मे २०२२ रोजी मायक्रोसॉफ्ट इंडियाचे लीडर चारु श्रीनिवासन आणि महाराष्ट्र सरकारने डेटा सेंटरच्या पायाभूत सुविधांच्या विकासासाठी 3200 कोटी रुपयांच्या सामंजस्य करारावर स्वाक्षऱ्या केल्या. या गुंतवणुकीतून राज्याला मोठा रोजगार देखील मिळणार आहे. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

.@Microsoft‘ s India Site Leader @CharuSrinivasan and Government of Maharshtra signed a memorandum of understanding (MoU) of worth INR 3200 Cr for development of data center infrastructure @Subhash_Desai @CMOMaharashtra @NitinRaut_INC @AUThackeray @midc_CEO

— MIDC India (@midc_india) May 23, 2022

11. तसेच २३ मे २०२२ रोजी जीआर ग्रुप ऑफ इंडस्ट्रीज स्टील क्षेत्रातील कंपनीने त्यांचा कंपनी विस्तार करण्यासाठी दावोस येथे महाराष्ट्र सरकारसोबत 740 कोटी रुपये किंमतीचा सामंजस्य करार केला होता. ही कंपनी नागपूरमध्ये गुंतवणूक करणार आहे आणि त्यातून 700 लोकांना रोजगार प्राप्त होणार आहे. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

GR group of Industries is planning to expand in steel sector & has signed MoU with the Maharashtra state on the 2nd day of @wef, #Davos2022 worth INR 740 Cr. They will be investing in Nagpur and helping generate 700 jobs @Subhash_Desai @CMOMaharashtra @NitinRaut_INC @AUThackeray pic.twitter.com/gKUi7eG5dn

— MIDC India (@midc_india) May 23, 2022

12. त्यानंतर २३ मे २०२२ रोजी व्हॅलियंट ग्रुपने महाराष्ट्र सरकार सोबत दावोस येथे त्यांच्या बेडींग विभागाच्या विस्तारासाठी १५० कोटी रुपयांच्या सामंजस्य करारावर स्वाक्षऱ्या केल्या होत्या. त्यामुळे नाशिक जिल्ह्यातील मालेगाव विभागात ३०० तरुणांना रोजगार निर्मिती होणार आहे. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

Valiant Group’s Vishal Pacheriwala signed an MoU worth INR 150cr for the expansion of their bedding division with Govt of Maharashtra @wef, #davos2022. They will generate 300 jobs in the Malegaon region of Nashik district @Subhash_Desai @NitinRaut_INC @CMOMaharashtra @AUThackeray pic.twitter.com/r9cmakgPSC

— MIDC India (@midc_india) May 23, 2022

13. २३ मी २०२२ रोजी जपानच्या आघाडीच्या औद्योगिक उत्पादन कंपनीने महाराष्ट्र सरकारशी 30 कोटी रुपयांचा सामंजस्य करार केला होता. ही कंपनी अहमदनगरमधील औद्योगिक क्षेत्रात गुंतवणूक करणार आहे. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

Japan’s leading industrial Manufacturing company signs MoU worth INR 30cr with Govt of Maharashtra and will be investing in the Japanese Industrial Area of Addl. SUPA in Ahmednagar@wef #davos2022@Subhash_Desai @CMOMaharashtra @NitinRaut_INC @AUThackeray @midc_CEO pic.twitter.com/OSKcDV2rEd

— MIDC India (@midc_india) May 23, 2022

14. रिलायबल हब्स ही सिंगापूरची कंपनी अंबरनाथ एमआयडीसी क्षेत्रात 170 रोजगार निर्मिती करणाऱ्या लॉजिस्टिक आणि वेअरहाऊसिंग पायाभूत सुविधांसाठी 48 कोटी रुपयांची गुंतवणूक करणार आहे. त्यासाठी २३ मे २०२२ रोजी महाराष्ट्र सरकारसोबत सामंजस्य करार केला होता. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

Enhancing Maharashtra’s logistics and warehousing infrastructure, @Reliablehubs, a Singapore company will be investing INR 48 cr generating 170 jobs, in the Ambernath MIDC area @wef #Davos2022 @Subhash_Desai @CMOMaharashtra @NitinRaut_INC @AUThackeray @midc_CEO pic.twitter.com/Bs22A6c0Q3

— MIDC India (@midc_india) May 23, 2022

15. २३ मे २०२२ रोजी इंडोकाउंट मॅन्युफॅक्चरर ऑफ होम लिनन या एक्सपोर्टर कंपनीने अधिकृतपणे महाराष्ट्र सरकारसोबत 510 कोटी रुपयांचा सामंजस्य करार केला असून यामुळे कोल्हापूर येथे 900 लोकांना रोजगार उपलब्ध होणार आहे. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

.@IndoCount, Largest Manufacturer and Exporter of Home Linen officially signs an MoU with Maharashtra for the Kolhapur location worth INR 510 Cr creating employment for 900 people @wef #davos2022@CMOMaharashtra @Subhash_Desai @NitinRaut_INC @AUThackeray @midc_CEO pic.twitter.com/QWmdM8GWmy

— MIDC India (@midc_india) May 23, 2022

16. २३ मी २०२२ रोजी हॅवमोर ग्रुप या आइस्क्रीम्स उत्पादक कंपनीने महाराष्ट्र सरकार सोबत सामंजस्य करारावर स्वाक्षऱ्या केल्या होत्या. ही कंपनी 263 कोटी रुपयांची गुंतवणूक केली करणार असून त्यातून 180+ रोजगार निर्मिती होणार आहे. त्यासंबंधित अधिकृत माहिती ‘एमआयडीसी इंडियाने ट्विट करून दिली होती.

Havmor Group @HavmorIceCreams and Govt of Maharahstra signed MoU for their expansion in the state, INR 263 Cr will be invested, will generate 180+ jobs #Davos2022 @wef @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/iMdbh9OxVk

— MIDC India (@midc_india) May 23, 2022

17. २३ मे २०२२ रोजी वेबीना वेरवेनच्या एमडी, श्वेता बाली यांच्या कंपनीने श्रीरामपूर येथे वेअर हाऊस आणि लॉजिस्टिक पार्क विकसित करण्यासाठी महाराष्ट्र सरकारसोबत सामंजस्य करार केला होता. कंपनी 143.88 कोटी रुपयांची गुंतवणूक करणार असून त्यातून 3020 लोकांना रोजगार मिळणार आहे.

Vebeena Vervain’s MD, Ms. Shweta Bali, signed an MoU with GoM for Shrirampur location to develop warehouses and logistics parks with an investment of INR 143.88 Cr and generating 3020 jobs @wef #Davos2022@Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/fKGyiNss8o

— MIDC India (@midc_india) May 23, 2022

18. २३ मे २०२२ रोजी अल्प्रोज इंडस्ट्रीजचे सुशांत सुखीजा यांनी अमरावतीमध्ये 150 कोटी रुपयांची गुंतवणूक करून डेनिम फॅब्रिक्सच्या त्यांच्या नवीन प्रकल्पासाठी महाराष्ट्र सरकारसोबत सामंजस्य करार केला होता. या गुंतवणुकीची माहिती एमआयडीसी इंडियाने ट्विट करून दिली होती.

Sushant Sukhija from Alprose Industries signed an MoU with GoM for their new project of Denim Fabrics with an investment of INR 150 Cr in Amravati@wef, #Davos2022 @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/tNtTEZICMr

— MIDC India (@midc_india) May 23, 2022

19. २३ मे २०२२ रोजी विश्वराज इन्व्हायर्मेंटचे अरुण लखानी यांनी एमआयडीसी चंद्रपूर, भंडारा, गोंदिया आणि गडचिरोली येथील इंधन इथेनॉल प्रकल्पासाठी महाराष्ट्र सरकारसोबत 1000 कोटी रुपयांचा सामंजस्य करार केला होता. या गुंतवणुकीची माहिती एमआयडीसी इंडियाने ट्विट करून दिली होती.

.@lakhaniarun1 from Vishvaraj Environment, signed an MoU INR 1000 cr with the GoM for a Fuel Ethanol Plant at MIDC Chandrapur, Bhandara, Gondia & Gadchiroli #Davos2022 @wef @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/eGXFJwvrw1

— MIDC India (@midc_india) May 23, 2022

20. २३ मे २०२२ रोजी वेअरहाऊसिंगसाठी जागा उपलब्ध करून देण्यात अग्रेसर असलेल्या स्कॅलर ग्रुपच्या गोपाळ मोर यांच्यासोबत चाकण पुणे येथे कंपनी विस्तार करण्यासाठी महाराष्ट्र सरकारशी 650 कोटी रुपयांच्या गुंतवणूकीसाठी सामंजस्य करार केला होता. त्यामुळे 1700+ रोजगार निर्मिती होणार आहे. या गुंतवणुकीची माहिती एमआयडीसी इंडियाने ट्विट करून दिली होती.

Mr. Gopal Mor from Scalar Group, a pioneer in providing warehouse spaces signs an MoU with Govt of Maharashtra for an investment of INR 650 Cr, creating employment of 1700+ in Chakan, Pune@wef #Davos2022 @Subhash_Desai @CMOMaharashtra @NitinRaut_INC @AUThackeray @midc_CEO pic.twitter.com/NZQVgEjRKy

— MIDC India (@midc_india) May 23, 2022

21. २३ मे २०२२ रोजी टाटा रिअल्टी या आघाडीच्या रिअल इस्टेट डेव्हलपरसोबत महाराष्ट्रातील रिअल इस्टेट क्षेत्रात विस्तार करण्यासाठी दावोस येथे 5000 कोटी रुपयांच्या सामंजस्य करारावर स्वाक्षऱ्या केल्या. यामुळे मोठ्या प्रमाणात रोजगार निर्माण होणार आहे. या गुंतवणुकीची माहिती एमआयडीसी इंडियाने ट्विट करून दिली होती.

Tata Realty, leading real estate developer signs an MoU of INR 5000 Cr on the second day of @wef, Davos to expand in the real estate sector in Maharashtra @wef #Davos2022 @Subhash_Desai @CMOMaharashtra @NitinRaut_INC @AUThackeray @midc_CEO pic.twitter.com/yB96hLXEFl

— MIDC India (@midc_india) May 23, 2022

22. २३ मे २०२२ रोजी सोनई ईटेबल या भारतीय अन्न प्रक्रिया कंपनीने महाराष्ट्र सरकारबरोबर 200 कोटी रुपयांच्या सामंजस्य करारावर स्वाक्षऱ्या केल्या होत्या आणि ही कंपनी इंदापूर एमआयडीसीमध्ये गुंतवणूक करणार असून त्यामुळे 400 तरुणांना रोजगार मिळणार आहे. या गुंतवणुकीची माहिती एमआयडीसी इंडियाने ट्विट करून दिली होती.

Sonai Eatable, an Indian food processing company signed an MoU worth INR 200 Cr with Govt of Maharashtra and will be investing in Indapur MIDC, generating 400 jobs@wef #Davos2022 @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/Xci4Qt9xyY

— MIDC India (@midc_india) May 23, 2022

23. २३ मे २०२२ रोजी गोयल प्रोटीन्स ही कंपनी सोयाबीन उत्पादनांच्या उत्पादनासाठी नागपुरातील त्यांच्या नवीन अति-आधुनिक प्रकल्पासाठी 380 कोटी रुपयांची गुंतवणूक करणार आहेत. त्यामुळे स्थानिकांना मोठा रोजगार प्राप्त होणार आहे. या गुंतवणुकीची माहिती एमआयडीसी इंडियाने ट्विट करून दिली होती.

Goyal Proteins will be investing INR 380 Cr @wef for their new ultra-modern project in Nagpur for the manufacturing of Soybean products@wef #Davos2022 @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/UezZANdzYv

— MIDC India (@midc_india) May 23, 2022

24. २३ मे २०२२ रोजी आघाडीची इलेक्ट्रॉनिक्स कंपनी पीजी टेक्नोपलास्टच्या विशाल गुप्ता यांनी 315 कोटी रुपयांची गुंतवणूक करण्यासाठी महाराष्ट्र सरकारसोबत सामंजस्य करार केला होता. त्यामुळे 1500 तरुणांना रोजगार मिळणार आहे. या गुंतवणुकीची माहिती एमआयडीसी इंडियाने ट्विट करून दिली होती.

Leading Electronics player PG Technoplast’s Vishal Gupta signed an MoU with GoM for Addl. SUPA location with an investment of INR 315 Cr and employment for 1500 jobseekers@wef #Davos2022 @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/s3F3FTpNIw

— MIDC India (@midc_india) May 23, 2022

25. २३ मे २०२२ रोजी भारत स्थित फ्युएल इथेनॉल कंपनी कार्निवल इंडस्ट्रीजने महाराष्ट्र सरकारबरोबर 207 कोटी रुपये गुंतवणुकीच्या सामंजस्य करारावर स्वाक्षऱ्या केल्या होत्या. कंपनी नागपूर येथील मूल येथे गुंतवणूक करणार असून त्यातून 500 तरुणांना रोजगार मिळणार आहे. या गुंतवणुकीची माहिती एमआयडीसी इंडियाने ट्विट करून दिली होती.

India based Fuel Ethenol Company, Carnival Industries signs an MoU worth INR 207 Cr and employment 500 with Govt of Maharashtra. They will be investing in Mul, Nagpur@wef #Davos2022@Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/XbBMtrKmPy

— MIDC India (@midc_india) May 23, 2022

26. २३ मे २०२२ रोजी ग्राम्सी बिझिनेस हब्स कंपनी आयटी क्षेत्राच्या विकासात महाराष्ट्रात 5000 कोटी रुपयांची गुंतवणूक करणार आहेत. कंपनीने महाराष्ट्रा सरकारसोबत सामंजस्य करार केला आहे. या गुंतवणुकीची माहिती एमआयडीसी इंडियाने ट्विट करून दिली होती.

Gramsci Business Hubs will be investing INR 5000 cr in Maharashtra in the IT sector development and signed an MoU with the Maharashtra delegation @wef #Davos2022 @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/eMEKv3KHUg

— MIDC India (@midc_india) May 23, 2022

27. २३ मे २०२२ रोजी कलरशाईन इंडस्ट्रीजने महाराष्ट्र सरकारबरोबर ५१० कोटी रुपयांच्या सामंजस्य करारावर स्वाक्षऱ्या केल्या होत्या आणि ५०० लोकांना रोजगार प्राप्त होणार आहे. कंपनी उमरेड, नागपूर येथे गुंतवणूक करणार आहे. या गुंतवणुकीची माहिती एमआयडीसी इंडियाने ट्विट करून दिली होती.

Colorshine Industries signed an MoU with the Gov of Maharashtra worth INR 510 cr and shall generate 500 jobs. They will be investing in Umred, Nagpur @wef #Davos2022 @Subhash_Desai @midc_CEO @CMOMaharashtra @NitinRaut_INC @AUThackeray pic.twitter.com/D1nCoeOLbI

— MIDC India (@midc_india) May 23, 2022

28. २३ मे २०२२ रोजी एकट्या दावोस येथे महाराष्ट्र सरकारने ३० हजार कोटी रुपयाच्या (४ अब्ज डॉलर) एकूण २३ गुंतवणूक सामंजस्य करारांवर स्वाक्षऱ्या केल्या होत्या. ज्यामुळे राज्यातील तब्बल ६६ हजार तरुणांसाठी रोजगार निर्मिती होण्यास मदत होईल. तर दुसरीकडे, मॅग्नेटिक महाराष्ट्र 2.0 अंतर्गत, 2.2 लाख कोटी रुपयांच्या (29 अब्ज डॉलर्स) एकूण गुंतवणूकीच्या उद्देशाने 121 सामंजस्य करारांवर स्वाक्षऱ्या करण्यात आल्या होत्या. या गुंतवणुकीची माहिती एमआयडीसी इंडियाने ट्विट करून दिली होती. तसेच दावोस येथे उपस्थित असलेल्या तत्कालीन पर्यावरण मंत्र्यांनी म्हणजे आदित्य ठाकरे यांनी सुद्धा माहिती दिली होती.

Maharashtra signed 23 MoUs with an investment of INR 30k crore ($4 bn) which will help generate 66k jobs. Under Magnetic Maharashtra 2.0, a 121 MoUs have been signed with total investment intentions of INR 2.2 lac crore (USD 29 Billion) @wef #Davos2022 @DPIITGoI @investindia pic.twitter.com/Q3lGZ83Qz9

— MIDC India (@midc_india) May 23, 2022

A great success for Magnetic Maharashtra 2.0 program today at @WEF #Davos2022. A total of 23 MoUs worth USD 4 Bn (INR 30k cr) were signed which will generate 66k jobs in Maharashtra @CMOMaharashtra , @midc_CEO pic.twitter.com/Tp6YldIFvc

— Aaditya Thackeray (@AUThackeray) May 23, 2022

29. २३ मे २०२२ रोजी रीन्यू पॉवरने राज्यातील नवीकरणीय उर्जा निर्मितीत ५०००० कोटी रुपयांची गुंतवणूक करण्यासाठी सामंजस्य करार केला होता. त्यामुळे एकट्या दावोस मध्ये ८० हजार कोटी रुपयांच्या २४ सामंजस्य करारांचा मैलाचा दगड ठाकरे सरकारच्या म्हणजे महाविकास आघाडीच्या सरकारने गाठला होता. या गुंतवणुकीची माहिती एमआयडीसी इंडियाने ट्विट करून दिली होती.

Chairman & MD of @ReNew_Power @sumant_sinha signed a MoU with GoM today @wef @Davos. ReNew Power will be investing INR 50000 Cr in renewable power generation in State. The MoU helped us to reach a milestone of 24 MoUs worth INR 80000 Cr. (1/2) pic.twitter.com/LmNqXIbagq

— Subhash Desai (@Subhash_Desai) May 24, 2022

Magnetic Maharashtra @wef, #Davos2022 https://t.co/ZTuYVULwGE

— MIDC India (@midc_india) May 26, 2022

30. एअर लिक्विड ग्रुपने एमआयडीसी नागपूर येथे ऑक्सिजन उत्पादनात 130 कोटी रुपयांची गुंतवणूक केली होते. राज्याला ऑक्सिजन उत्पादनात आत्मनिर्भरता प्राप्त करून देण्यासाठी ही गुंतवणूक एक मोठे पाऊल होती. या गुंतवणुकीची माहिती एमआयडीसी इंडियाने ट्विट करून दिली होती.

With great joy we welcome @airliquidegroup at Butibori, @MidcNagpur with ₹130Cr investment in oxygen manufacturing. This investment is going to be a huge step in achieving self reliance for the state in oxygen production.@Subhash_Desai #MagneticMaharashtra #OpenForBusiness

— MIDC India (@midc_india) August 11, 2021

राज्यातील त्या प्रत्येक तरुणासाठी :
आता हे सर्व पुराव्यानिशी वास्तव समजून घेतल्यानंतर राज्यातील सर्व सुशिक्षित किंवा कमी शिकलेल्या तरुणांनी याचा गांभीर्याने विचार करायला हवा की रोजगार हेच एकमेव महत्वाचं साधन आहे जे त्यांचं भविष्य उज्वल करेल. नारायण राणेंच्या ‘त्या आदित्यला काय कळत?’, आदित्य ठाकरेंची खिल्ली उडवण्यासाठी त्यांना चिडवण्याच्या नादात ‘म्याव म्याव’ करून स्वतःची राजकीय प्रगल्भता सिद्ध करणाऱ्या नितेश राणेंच्या वक्तव्यातून रोजगार निर्माण किंवा मिळणार नाही. एखादा सर्वसाधारण घरातील तरुण जेव्हा ८-१० हजाराच्या नोकरीसाठी मुलाखत देण्यास जातो तेव्हा त्याच्यावर किती दडपण असतं हे त्या तरुणालाच ठाऊक असतं. पण राजकीय कुटुंबातील आलेल्या आदित्य ठाकरेंनी स्वतःला सिद्ध करण्यासाठी दावोस येथे जाऊन कंपन्यांना स्वतः प्रेझेंटेशन केलं होतं आणि ते देखील सोपं नसतं. ते देखील ट्विटरवर म्याऊ-म्याव करत विरोधकांना प्रतिउत्तर देत बसले असते तर वरती जे वाचलं ते सत्यात उतरलं नसतं.

विद्यमान मुख्यमंत्री दहीहंडीत तरुण जमल्याच पाहून लगेच त्यांना आपण २ महिन्यापूर्वी कशी ५० थरांची हंडी फोडली याचे मार्केटिंग किस्से रुबाबात सांगत बसले आणि दहीहंडी उत्सवात भाग घेणाऱ्यांना रिझर्वेशन देखील जाहीर करत मार्केटिंग केलं. महाविकास आघाडीत दोन वर्ष आधीच शिंदे ५० थरांची हंडी फोडण्याची तयारी करत होते आणि परिणामी त्यांना ठाकरे सरकारने काही काम केलं की नाही हे कळू शकलं नाही. कारण त्यांचा सर्वाधिक संपर्क भाजप नेत्यांशी होता असं म्हणायला हरकत नाही. त्यामुळे तरुणांसाठी त्यांचा भविष्यकाळ सुधारायचा असेल तर भंपक आणि राजकीय नौटंकी करणाऱ्या नेत्यांच्या धार्मिक मुद्यांच्या ट्रॅपमध्ये न अडकता सुशिक्षित राजकीय तरुणांच्या मागे जाणं केव्हाही फायद्याचं असेल यात शंका नाही.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Former CM Thackeray govt signed MoU in ruling time check details 17 September 2022.