Vivo X Fold Plus | जबरदस्त डिस्प्लेसह विवो X Fold Plus स्मार्टफोन लाँच, जाणून घ्या किंमत आणि फीचर्स

Vivo X Fold Plus | विवोने आपल्या पहिल्या फोल्डेबल फोनचा उत्तराधिकारी एक्स फोल्ड प्लस अधिकृतपणे लाँच केला आहे. याच्या जुन्या मॉडेलच्या तुलनेत एक्स फोल्ड प्लसमध्ये मोठी बॅटरी आणि अपडेटेड प्रोसेसर आहे. फोनमध्ये 8.03 इंचाचा इनर आणि 6.53 इंचाचा एमोलेड कव्हर डिस्प्ले देखील आहे. कंपनीने फोनला दोन व्हेरियंटमध्ये सादर केले आहे.

विवो एक्स फोल्ड प्लस क्वालकॉम स्नॅपड्रॅगन 8+ जेन 1 एसओसी सपोर्ट करते. फोनचे इंटरनल आणि एक्सटर्नल दोन्ही डिस्प्ले अल्ट्रासोनिक फिंगरप्रिंट स्कॅनर सोबत येतात. कंपनीने हा फोन तीन रंगात सादर केला आहे. सध्या हा फोन चीनमध्ये प्री-ऑर्डरसाठी उपलब्ध आहे.

स्पेसिफिकेशन्स :
विवो एक्स फोल्ड प्लस अँड्रॉइड १२ आउट ऑफ द बॉक्सवर आधारित ओरिजिन ओएस ओशनवर चालतो. फोनच्या मागील बाजूस क्वॉड कॅमेरा सेटअप आहे, ज्यामध्ये ५० मेगापिक्सलचा प्रायमरी सेन्सर, ४८ मेगापिक्सलचा अल्ट्रावाइड कॅमेरा, पोर्ट्रेटसाठी १२ एमपी टेलिफोटो लेन्स आणि ५ एक्स ऑप्टिकल झूमसह ८ एमपी पेरिस्कोप लेन्स आहे. याशिवाय फोनच्या फ्रंटमध्ये १६ मेगापिक्सलचा सेल्फी कॅमेरा दिला आहे. हे फोल्डेबल डिव्हाईस असल्यामुळे रिअर कॅमेरा सेल्फी कॅमेरा म्हणूनही वापरता येतो.

बॅटरी :
विवो एक्स फोल्ड प्लस १२ जीबी +२५६ जीबी आणि १२ जीबी +५१२ जीबी पर्यंत इंटरनल स्टोरेजसह येतो. डिव्हाइसमध्ये ४,७३० एमएएच बॅटरी आहे जी ८० डब्ल्यू फास्ट चार्जिंग आणि ५० डब्ल्यू वायरलेस चार्जिंगला सपोर्ट करते. हा फोन क्लिअर माउंटन ब्लू, सायकामोर अॅश आणि हुक्सिया रेड कलर ऑप्शनमध्ये उपलब्ध आहे.

किंमत :
हा फोन सध्या चीनमध्ये प्री-ऑर्डरसाठी उपलब्ध असून 29 सप्टेंबरपासून याची विक्री होण्याची शक्यता आहे. सध्या फोनच्या १२ जीबी/२५६ जीबी बेस व्हेरिएंटची किंमत अंदाजे १,१३,५४९ रुपये आहे, तर १२ जीबी/५१२ जीबी व्हेरिएंट अंदाजे १,२४,९०५ रुपये खरेदी करता येईल. तथापि, हे स्पष्ट नाही की विवो एक्स फोल्ड प्लस भारतात लाँच करण्याची योजना आखत आहे की नाही.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Vivo X Fold Plus smartphone price in India check details 28 September 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.