उत्तर भारतात ओबीसी कार्ड, तर कांग्रेस अध्यक्ष पदासाठी काँग्रेसकडून मल्लिकार्जुन खरगे यांच्यामार्फत दलित कार्ड?, भाजप दुहेरी राजकीय पेचात?

Congress President Poll | देशातील प्रमुख विरोधी पक्ष असलेल्या काँग्रेसच्या राष्ट्रीय अध्यक्षपदाच्या निवडणुकीला पुन्हा एकदा नवे वळण मिळाले आहे. पक्षाचे ज्येष्ठ नेते दिग्विजय सिंह यांनी अध्यक्षपदाची निवडणूक न लढवण्याची घोषणा केली आहे. त्यांच्या जागी मल्लिकार्जुन खरगे आता अध्यक्षपदासाठी निवडणूक लढवणार आहेत. पक्षाध्यक्षपदाची निवडणूक आपण लढवणार नसून त्यांचे सहकारी मल्लिकार्जुन खर्गे यांच्या उमेदवारीत प्रस्तावक असतील, असे काँग्रेस नेते दिग्विजय सिंह यांनी शनिवारी सांगितले. खरगे आज दुपारी उमेदवारी अर्ज भरू शकतात, असे सांगण्यात येत आहे. असे झाल्यास काँग्रेस अध्यक्षपदाची निवडणूक आता शशी थरूर आणि खरगे यांच्यात रंगणार आहे. एकाबाजूला उत्तर भारतात बिहारचे मुख्यमंत्री नितीश कुमार यांनी ओबीसी कार्ड पुढे केलेलं असताना दुसरीकडे काँग्रेसने मल्लिकार्जुन खरगे यांना पुढे करून दलित कार्ड पुढे केलं आहे. त्यामुळे सोनिया गांधी यांच्या माष्टरस्ट्रोकने आता भाजपमध्ये टेन्शन वाढलं आहे.

सध्याच्या काँग्रेस अध्यक्षा सोनिया गांधी यांच्या संमतीने खरगे ही निवडणूक लढवणार असल्याचे मानले जात आहे. मात्र, त्याआधी सोनिया गांधींकडून आपण अध्यक्षपदाच्या निवडणुकीत पूर्णपणे निष्पक्षपणे उतरणार असल्याचे स्पष्ट केले आहे. पण काँग्रेसचे सरचिटणीस (संघटना) के. सी. वेणुगोपाल यांनी खरगे यांना सांगितले आहे की, त्यांनी अध्यक्षपदासाठी निवडणूक लढवावी अशी हायकमांडची इच्छा आहे, असे प्रसारमाध्यमांमध्ये वृत्त आहे.

दिग्विजय सिंह यांनी शुक्रवारी अचानक अध्यक्षपदाच्या शर्यतीतून माघार घेतल्याची घोषणा ज्या प्रकारे केली, त्यावरून सर्वांनाच आश्चर्याचा धक्का बसला. एक दिवस आधी म्हणजे गुरुवारी त्यांनी उमेदवारी अर्जच घेतला नाही, तर शशी थरूर यांची त्यांच्या घरी जाऊन भेटही घेतली. यानंतर या निवडणुकीत हे दोघेही एकमेकांविरोधात लढत नसून, दोन्ही मित्रपक्षांमध्ये मैत्रीपूर्ण लढत होईल, असे वक्तव्यही दोन्ही नेत्यांकडून करण्यात आले. त्यांच्या या वक्तव्यानंतर दिग्विजय सिंह यांनी खऱ्या अर्थाने निवडणूक लढवण्याचा मनसुबा पक्का केला होता, असं मानलं जात होतं.

मात्र, माध्यमांशी संवाद साधताना त्यांनी एकदा काँग्रेस अध्यक्षपदाच्या निवडणुकीचे अंतिम चित्र अर्ज मागे घेण्याच्या शेवटच्या तारखेनंतरच समोर येईल, असे सांगितले होते. काँग्रेस अध्यक्षपदासाठी अर्ज मागे घेण्याची अंतिम तारीख ८ ऑक्टोबर आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Congress President Poll Mallikarjun Kharge to contest poll check details 30 September 2022.