Deepak Nitrate Share Price | हा शेअर गुणाकारात पैसा वाढवतोय, मल्टीबॅगर स्टॉक आजही का आहे गुंतवणूकदारांचा खास जाणून घ्या

Deepak Nitrate Share Price | दीपक नायट्रेट या कंपनीचा शेअर त्याच्या लिस्टिंग किंमतीच्या 8 पट अधिक वाढला असून सध्या हा शेअर 2,250 रुपये किमतीवर ट्रेड करत आहे. दीपक नायट्रेट या कंपनीचा IPO 1971 साली शेअर बाजारात लाँच करण्यात आला होता. तेव्हापासून या स्टॉकने आपल्या शेअर धारकांना अप्रतिम परतावा कमावून दिला आहे. JM Financial ने या स्टॉकसाठी 2,895 रुपयेची लक्ष्य किंमत निश्चित केली होती. कोरोना काळात 10 फेब्रुवारी 2020 रोजी भारतीय शेअर बाजार कोसळला, त्यावेळी या स्टॉकची किंमत 459 रुपयेवर आली होती, तर 18 ऑक्टोबर 2021 रोजी या स्टॉकने सर्वकालीन उच्चांक 3020 रुपयांची किंमत स्पर्श केली होती. या शेअर्सनी कोरोना काळात आपल्या गुंतवणुकदारांना 6 पट अधिक परतावा कमावून दिला होता. सध्या हा स्टॉक 2,000 रुपयांवर ट्रेड करत आहे.

संथ पण स्थिर वाढ :
दीपक नायट्रेट कंपनीने आपला व्यापार उत्प्रेरक निर्माता म्हणून सुरू केला आणि नंतर संपूर्ण रासायन उद्योगाची दिशा बदलून टाकली. या कंपनीच्या इतक्या जबरदस्त वाढीमागील मुख्य कारण म्हणजे तिचे मजबूत व्यवस्थापन आहे. 1970 मध्ये या कंपनीचे बाजार भांडवल 45 लाख होते जे आज वाढून 39,000 कोटी रुपये झाले आहे. केमिकल कंपनी स्थापन करणे हे काही सोपे काम नाही. केमिकल कंपनी स्थापन करण्यासाठी खूप मेहनत आणि भरपूर काळ लागतो. परंतु या कंपनीच्या व्यवस्थापनाने ही केवळ वैविध्यपूर्ण केमिकल कंपनी बनवली नाही तर जागतिक रसायन निर्माती नावारूपाला आणली.

चायना+1 स्किमचा फायदा :
भारतातील रासायन उद्योग 2025 पर्यंत 300 अब्ज डॉलर्सपर्यंत वाढण्याचा अंदाज आहे. मागील 5 वर्षांत रासायन उद्योग सरासरी GDP च्या 1.3 पट अधिक वाढला आहे. भारत ही जगातील सहाव्या क्रमांकाची सर्वात मोठी रासायन उद्योगाची बाजारपेठ आहे. दीपक नायट्रेट कंपनी जगात नायट्रेशन प्रक्रियेत अग्रणी कंपनी मानली जाते. चीन हा जगातील सर्वात मोठा रासायन उत्पादन करणारा देश मानला जातो. 2009 च्या बीजिंग ऑलिम्पिक दरम्यान, जेव्हा चीनमधील रासायन कंपन्या बंद झाल्या होत्या, तेव्हा दीपक नायट्रेट कंपनीला भरभराटीची आयती संधी मिळाली होती. 2010 नंतर, या कंपनीने कॅपेक्स करण्याचा निर्णय घेतला आणि त्यानंतर कंपनी भारतातील सोडियम नायट्रेटची सर्वात मोठी उत्पादक कंपनी बनली. दीपक नायट्रेटच्या उत्पादन पोर्टफोलिओमध्ये इंटरमीडिएट्स, ऑरगॅनिक इंटरमीडिएट्स आणि फाइन अँड स्पेशालिटी केमिकल यांचा समावेश होतो. कंपनीच्या अनेक यशामागील आणखी एक गुपित म्हणजे व्यवस्थापनाने नायट्रेट्स आणि नायट्रेट्स व्यतिरिक्त सौर क्षार आणि इंधन मिश्रित पदार्थांच्या निर्मितीत अधिक वाढ आणि विकास करण्याचे निश्चित केले आहे. म्हणजेच, कंपनी वेळोवेळी आपल्या उत्पादनांच्या पोर्टफोलिओमध्ये विविधता आणत असून तेजीत उद्योग विस्तार करत आहे.

फिनॉलचे उत्पादन :
2016 मध्ये कंपनीने फिनॉलचे उत्पादन सुरू केले होते आणि त्यासाठी कंपनीने सुमारे 1,400 कोटी रुपये खर्चून दीपक फेनोलिक्स नावाने स्वतंत्र कंपनी स्थापन केली होती. फिनॉल आणि एसीटोन निर्मितीपासून कंपनीला अप्रतिम फायदा झाला. ऑटोमोबाईल, कृषी उद्योग, फार्मा, रबर आणि पेंटमध्ये फिनॉलचा वापर मोठ्या प्रमाणावर केला जातो. भारतात पहिल्यांदाच इतक्या जटिल रसायनाचे मोठ्या प्रमाणावर उत्पादन करण्याचा निर्णय दीपक नायट्रेटसाठी गेम चेंजर ठरला. एप्रिल 2020 मध्ये, कंपनीने एसीटोनपासून Isopropyl अल्कोहोल/IPA तयार करण्यासाठी 30,000 MPTA क्षमतेचे एक नवीन उत्पादन केंद्र सुरू केले. नवनवीन उत्पादन बहरतात आणून दीपक नायट्रेटच्या व्यवस्थापनाने सिद्ध केले की ते नवीन उत्पादने आणण्यात कोणतीही जोखीम घेण्यास घाबरत नाही. याशिवाय, दीपक नायट्रेट, सोडियम नायट्रेट, सोडियम, नायट्रो टोलुइडाइन, फ्युएल अॅडिटीव्ह, नायट्रोसिल सल्फ्यूरिक अॅसिड यांसारखी रसायने निर्मिती करतात जे कंपनीला सुमारे 17.31 टक्के महसूल कमावून देतात. त्याच वेळी, कंपनी Xylidines, Oximes, Cumidines, Speciality Agrochemicals सारख्या जटिल सूक्ष्म आणि विशेष रसायनांचे उत्पादन मोठ्या प्रमाणात करते.

कंपनीचे मजबूत व्यवस्थापन :
कंपनीने अल्पावधीत मिळवलेली वाढ व्यवस्थापनाच्या धाडसी निर्णयांमुळे झाली आहे. कंपनी सॉल्व्हेंटसाठी 700 कोटी आणि लाइफ सायन्सेस उत्पादनांसाठी 300 कोटींचे कॅपेक्स करत आहे. दीपक नायट्रेटच्या यशाचे गुपित म्हणजे उत्पादनातील वैविध्य हे आहे. कंपनीने मूलभूत रसायनांपासून ते फिनोलिक्समध्ये मोठ्या प्रमाणात गुंतवणूक केली होती आणि आज कंपनीला त्याचे फळ मिळत आहे. त्यानंतर कंपनी विनामूल्य कॅश फ्लो निर्माण करण्यात सक्षम झाली आहे. कंपनी नेहमीच अशा उत्पादनांच्या निर्मितीवर भर देते जे भारतात आयात केले जातात. पुढील काळात या कंपनीत पैसे लावून गुंतवणूकदार कमवू शकतील की नाही हे सांगणे कठीण आहे, परंतु भारतीय रासायन उद्योग वाढत राहील हे नक्की. कमोडिटी उत्पादन पोर्टफोलिओ मजबूत असूनही या कंपनीचा वाढीचा दृष्टीकोन अतिशय आक्रमक आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title| Deepak Nitrate Share Price return on investment on 18 October 2022.