हिमाचल निवडणुकीत भाजपाची अवस्था बिकट? मोदींवर बंडखोर नेत्याला फोन करण्याची वेळ, बंडखोराकडून शिंदे स्टाईल शुटिंग

Himachal Pradesh | काँग्रेस नेते श्रीनिवास यांनी एक व्हिडिओ शेअर करत दावा केला आहे की, पंतप्रधान मोदींनी हिमाचल प्रदेशच्या कांगडा जिल्ह्यातील फतेहपूर विधानसभा मतदारसंघातून अपक्ष म्हणून निवडणूक लढवणारे कृपाल परमार यांना फोन करून निवडणुकीतून माघार घेण्यास सांगितले. हाच व्हिडिओ काँग्रेसच्या इतर राज्याच्या अधिकृत ट्विटर पेजवरून सुद्धा शेअर करण्यात आला आहे. त्यात मोदी बंडखोर उमेदवाराला विनंती करताना सांगत आहेत की, मी काहीही ऐकणार नाही. या व्हिडिओनुसार कृपाल परमार यांनी भाजपचे राष्ट्रीय अध्यक्ष जेपी नड्डा यांच्याबाबतही पंतप्रधान मोदींकडे तक्रार केली. बंडखोर नेते म्हणाले की, नड्डा १५ वर्षांपासून त्यांचा अपमान करत आहेत. पंतप्रधान मोदी म्हणाले की, तुमच्यावर माझा अधिकार आहे. जर तुमच्या आयुष्यात माझी एखादी भूमिका असेल तर परमार म्हणतात की, तुमची भूमिका खूप आहे. मात्र, या व्हिडिओला अधिकृत दुजोरा मिळालेला नाही. किंवा महाराष्ट्रानामा देखील याला दुजोरा देत नाही.

क्या दिन आ गए है भारत के प्रधानमंत्री के,

हिमाचल में बागी BJP नेताओं को खुद फ़ोन लगाकर कह रहे है ‘चुनाव से हट जाओ, मैं कुछ नहीं सुनूंगा’

हार निश्चित है, डर साफ झलक रहा है!!! pic.twitter.com/gDPH6HM76A

— Srinivas BV (@srinivasiyc) November 5, 2022

विशेष म्हणजे हिमाचलमध्ये पक्षात वर्षानुवर्षे काम करणाऱ्या अनेक नेत्यांनी बंडखोरी केली आहे. अशा स्थितीत बंडखोरीमुळे पक्षाचे मोठे नुकसान होऊ शकते, याची पूर्ण कल्पना भाजप हायकमांडला आहे. अशा परिस्थितीत पंतप्रधान मोदींनी हिमाचलच्या जनतेला एक संदेश दिला की, उमेदवार कोण आहे हे पाहू नका. त्याचबरोबर पक्षापेक्षा मोठा कोणीही नाही, असा संदेशही त्यांनी बंडखोरांना दिला.

हिमाचल विधानसभेच्या 21 जागांवर भाजपमधून बंडखोरी करण्यात आल्याचं वृत्त आहे. यामध्ये मंडी येथील प्रवीण शर्मा, बिलासपूरमधील सुभाष ठाकूर, बंजरमधील हितेश्वर सिंह, किन्नौरमधील तेजवंत नेगी, चंबामधील इंदिरा ठाकूर, बडसरमधील संजीव शर्मा, नूरपूरमधील कृपाल परमार, देहरामधील होशियार सिंग, अनीतील किशोरी लाला, करसोगमधील युवराज कपूर, नालागडमधील केएल ठाकूर यांचा समावेश आहे.

पंतप्रधान म्हणाले की, यावेळी हिमाचल प्रदेशची निवडणूक खूप खास आहे. या वेळी १२ नोव्हेंबरला होणाऱ्या प्रत्येक मतदानातून राज्याचा पुढील २५ वर्षांचा विकास प्रवास निश्चित होणार आहे. अमृतकालच्या या वर्षांत हिमाचल प्रदेशात झपाट्याने विकास आवश्यक आहे, स्थिर सरकार आवश्यक आहे. हिमाचलची जनता, इथली तरुणाई, इथल्या माता-भगिनींना हे चांगलंच समजत आहे, याचा मला आनंद आहे, असं ते म्हणाले. ते म्हणाले की, भाजप सरकारचे जोरदार पुनरागमन करण्याचा लोकांचा निर्धार आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Himachal BJP fear of rebellion Prime minister Modi calling himself says do not contest against BJP check details 06 November 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.