Viral Video | अमित शहांच्या सभेसाठी नर्सिंग कॉलेजच्या विद्यार्थ्यांना गाडीत भरून आणलं, बाहेर देखील पडू देत नाहीत

Viral Video Gujarat Assembly Election 2022 | गुजरातमध्ये विधानसभेच्या निवडणुका दोन टप्प्यात होणार आहेत. निवडणुकीची तारीख जसजशी जवळ येत आहे, तसतसा राजकीय धुमश्चक्रीतही लक्षणीय वाढ झाली आहे. सौराष्ट्राच्या लढाईत राजकोट शहराची जागा हे केंद्र आहे. ही जागा सत्ताधारी भारतीय जनता पक्षाचा बालेकिल्ला मानली जाते. अँटी इन्कम्बन्सीचा सामना करत भाजपने या निवडणुकीत राजकोट शहरातील चारही विद्यमान उमेदवारांना डावलून नव्या उमेदवारांना संधी दिली आहे.

नोटामुळे भाजपमध्ये टेन्शन
भाजपच्या पारंपरिक मतदारांचे म्हणणे आहे की ते इतर कोणत्याही पक्षाला मतदान करू शकत नाहीत. येथील अनेक मतदार म्हणतात, “यावेळी मी वरीलपैकी एकही म्हणजे नोटा बटण दाबण्याचा विचार करत आहे. आश्चर्याची बाब म्हणजे 2017 च्या विधानसभा निवडणुकीत नोटाला तिसऱ्या क्रमांकाची मतं मिळाली होती. येथे काँग्रेसने तुल्यबळ उमेदवार दिले नसल्याने अडचण वाढली आहे. “2017 मध्ये लोकांनी काँग्रेसला मतदान केलं पण इतक्या आमदारांनी पक्ष सोडून भाजपमध्ये प्रवेश केला,” असं मतदार सांगत आहेत. काँग्रेसला मत दिले तर आपले मत वाया जाणार नाही, असा विश्वास कमी झाल्याने आम्ही कोणाला मत देणार हे मी ठरवलेले नाही असं मतदार ऑन कॅमेरा सांगत आहेत.

अमित शहा आणि अगदी पंतप्रधान नरेंद्र मोदींच्या सभा देखील खाली खुर्च्यांनी भरलेल्या दिसत आहेत. परिणामी, राज्य सरकारी कर्मचारी ते आजूबाजूच्या कॉलेजमधील स्टाफ आणि विद्यार्थ्यांना गाड्यांमध्ये भरून सभेत गर्दी जमविण्यासाठी भाजपाला धडपड करावी लागत आहेत. अमित शाह यांच्या एका रॅलीसाठी चक्क नर्सिंग कॉलेजच्या विद्यार्थ्यांना गाडीत भरून सभेच्या खुर्च्यांवर बसवलं, पण ते सर्वजण कंटाळून रॅलीतून बाहेर पडू लागताच त्यांना बाहेर पडण्यापासून भाजप कार्यकर्ते रोखत होते आणि भाजप कार्यकर्त्यांनी त्यांना पुन्हा आपल्या जागेवर परतण्यास भाग पाडलं. गुजरातमधील भाजपच्या २७ वर्षांच्या गैरकारभाराचे (गुजरात मॉडेल) हे वास्तव आहे अशी टीका सुरु झाली आहे.

In the rally of AmitShah, the nursing college students were stopped from walking out of the rally and BJP workers forced them to return back to their seats. This is the reality of 27 years of BJP misgovernance(Gujarat Model) in Gujarat.#MoodOfGujarat #LotusLeaks pic.twitter.com/kNLXTjWDf4

— Mamta kundu (@mamtakundu92) November 22, 2022

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Viral Video Gujarat Assembly Election 2022 Check details on 24 November 2022.