Penny Stock | बाब्बो! या सरकारी बँकेच्या शेअरने 2 महिन्यांत पैसे दुप्पट केले, हा 34 रुपयांचा शेअर खरेदी करणार?

Penny Stock | बँक निफ्टी आणि PSU बँकांनी मागील काही महिन्यापासून भारतीय शेअर बाजारात हिरवळ पसरवली आहे. त्यातीलच एक पंजाब अँड सिंध या सरकारी बँकेने आपल्या गुंतवणूकदारांना अवध्या 2 महिन्यांत दुप्पट परतावा कमवून दिला आहे. 11 ऑक्टोबर 2022 रोजी पंजाब अँड सिंध बँकेचे शेअर्स 15.30 रुपये किमतीवर ट्रेड करत होते. आता या शेअरमध्ये 125 टक्क्यापेक्षा अधिक वाढ झाली असून याचे शेअर 34.45 रुपये किमतीवर ट्रेड करत आहेत. कालच्या ट्रेडिंग सेशनमध्ये या बँकेच्या शेअरने आपली 52 आठवड्यांची उच्चांक किंमत पातळी स्पर्श केली होती.

पंजाब आणि सिंध बैंक शेअरचा इतिहास :
जर तुम्ही पंजाब आणि सिंध बँकेच्या शेअरचे चार्ट पॅटर्न पाहिले तर तुम्हाला समजेल की, या बँकेच्या शेअर ने एका वर्षात आपल्या शेअर धारकांना 109 टक्क्यांहून अधिक परतावा कमावून दिला आहे. त्याच वेळी या बँकेच्या स्टॉकने मागील सहा महिन्यांत आपल्या गुंतवणूकदाराना 125 टक्के पेक्षा अधिक परतावा कमवून दिला आहे. मागील एका महिन्यात पंजाब अँड सिंध बँकेने लोकांचे गुंतवणूक मूल्य 80 टक्क्यांहून अधिक वाढवले आहे. या बँकेच्या शेअरची 52 आठवड्यांची नीचांक किंमत 13 रुपये होती.

बँकेची मागील काही वर्षाची कामगिरी :
चालू आर्थिक वर्षाच्या दुसऱ्या तिमाहीत पंजाब अँड सिंध बँकेच्या नफ्यात 27 टक्क्यांची वाढ नोंदवली गेली आहे. जुलै-सप्टेंबर 2022 या तिमाहीत बुडीत कर्जासाठी आर्थिक तरतूद कमी केल्यामुळे बँकेचा तिमाही नफा 27 टक्के वाढला आहे. गेल्या वर्षीच्या याच तिमाहीत पंजाब अँड सिंध बँकेने 218 कोटी निव्वळ नफा कमावला होता.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title| Penny Stock of Punjab and Sindh bank share price has given huge returns to shareholders on 11 December 2022.