Bank Balance on WhatsApp | तुमच्या व्हॉट्सॲपवर समजेल तुमचा बँक बॅलन्स, जाणून घ्या प्रक्रिया

Bank Balance on WhatsApp | आजकाल जवळजवळ प्रत्येकजण व्हॉट्सॲप वापरतो. याचा वापर प्रामुख्याने चॅटिंगसाठी केला जातो. पण तुम्हाला माहित आहे का की चॅटिंग व्यतिरिक्त याचे ही अनेक उपयोग आहेत. व्हॉट्सॲप आपल्या युजर्सना विविध प्रकारच्या सेवा पुरवते, त्यापैकी एक म्हणजे व्हॉट्सॲप पेमेंट्स, ज्याद्वारे तुम्ही कुणाला तरी पैसे ट्रान्सफर करू शकता तसेच तुमच्या बँक खात्यात उपलब्ध असलेली रक्कम तपासू शकता. व्हॉट्सॲप आपल्या युजर्सना यूपीआयच्या माध्यमातून पेमेंट करण्याची सुविधा देते. याद्वारे तुम्ही यूपीआयच्या मदतीने आपल्या बँक खात्यातून दुसऱ्याच्या खात्यात पैसे ट्रान्सफर करू शकता आणि बॅलन्सची माहितीही मिळवू शकता. जाणून घेऊया व्हॉट्सॲप पेमेंट कसे अॅक्टिव्हेट करावे.

आपल्या मोबाईलवर व्हॉट्सॲप पेमेंट कसे चालू करावे?
व्हॉट्सॲप पेमेंट्स यूपीआयवर आधारित इतर पेमेंट अॅप्सप्रमाणेच काम करते. तुमच्या फोनमध्ये व्हॉट्सॲप पेमेंट्स ऑन करण्यासाठी व्हॉट्सॲप ओपन करा आणि स्क्रीनच्या वरच्या उजव्या कोपऱ्यातील तीन डॉट्सना स्पर्श करा. यानंतर ‘पेमेंट’चा पर्याय निवडा. येथे ‘ऍड पेमेंट मेथड’ वर क्लिक करा. यानंतर बँक तुमचा मोबाईल नंबर व्हेरिफाय करेल. येथे तुम्हाला बँकांची यादी मिळेल. त्यातून तुमचे बँक खाते निवडा आणि ‘डन’ वर क्लिक करा. आता तुमची नोंदणी झाली आहे.

व्हॉट्सॲपच्या माध्यमातून बँक बॅलन्स कसे तपासावे
व्हॉट्सॲपच्या माध्यमातून तुमच्या बँक खात्यातील रक्कम तपासण्यासाठी व्हॉट्सॲप उघडल्यानंतर सेटिंग्जमध्ये जाऊन अधिक पर्यायावर टॅप करा. येथे पेमेंट सिलेक्ट करा आणि बँक खात्यावर क्लिक करा. यानंतर व्ह्यू बॅलन्स ऑप्शन सिलेक्ट करा आणि तुमचा यूपीआय पिन टाका. यानंतर तुमच्या खात्यात उपलब्ध असलेली रक्कम तुमच्या मोबाईल स्क्रीनवर येईल.

व्हॉट्सॲप पेमेंटमध्ये या गोष्टी लक्षात ठेवा
व्हॉट्सॲप बँक खात्याशी जोडलेल्या मोबाइल नंबरद्वारे पैसे भरण्याची सुविधा देते. प्राथमिक बँक सेटअप दरम्यान, वापरकर्त्यांना केवळ पेमेंट अटी आणि गोपनीयता धोरण स्वीकारण्यास सांगितले जाते. व्हॉट्सॲपच्या यादीतून जर एखाद्या बँकेचे नाव येत नसेल तर तुमची बँक अद्याप त्याच्याशी जोडली जाऊ शकत नाही. याशिवाय सुरक्षिततेसाठी नेहमी व्हॉट्सॲपचे लेटेस्ट व्हर्जन वापरावे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Bank Balance on WhatsApp payments process check details on 28 January 2023.