OnePlus 11 5G | वनप्लस 11 5G ची प्रतीक्षा संपली, 50 MP कॅमेरा, पहिला सेल उद्यापासून सुरू

OnePlus 11 5G | जर तुम्ही वनप्लस 11 5 जी फोन खरेदी करण्यासाठी आतुर असाल तर तुमची प्रतीक्षा संपणार आहे. आता लाँचिंगनंतर आठवडाभरानंतर उद्यापासून म्हणजेच 14 फेब्रुवारीपासून स्मार्टफोनचा पहिला सेल सुरू होत आहे. या स्मार्टफोनची प्री-ऑर्डर बुकिंग सुरू झाली आहे. उद्यापासून अॅमेझॉन आणि वनप्लसच्या अधिकृत वेबसाईटवरून हा स्मार्टफोन खरेदी करता येणार आहे. फोन खरेदी करण्यापूर्वी याचे दमदार फीचर्स आणि त्याची किंमत याबद्दल सविस्तर जाणून घेऊया.

असा आहे फोनचा डिस्प्ले
वनप्लसच्या या स्मार्टफोनमध्ये ६.७ इंचाचा क्यूएचडी + सॅमसंग एलटीपीओ ३.० एमोलेड डिस्प्ले आहे. फोनचा डिस्प्ले १२० हर्ट्झचा रिफ्रेश रेट, १३०० नाइट्सची पीक ब्राइटनेस लेव्हल आणि २०.१:९ चा आस्पेक्ट रेशो सोबत येतो. फोनला पॉवर देण्यासाठी यात क्वालकॉम स्नॅपड्रॅगन 8 जेन 3 ऑक्टा-कोर प्रोसेसर देण्यात आला आहे. वनप्लस 11 5 जी फोन अँड्रॉइड 13 वर आधारित आहे आणि तो ऑक्सिजन ओएस 13 वर चालतो.

फोनमध्ये ५,००० एमएएच क्षमतेची बॅटरी देण्यात आली आहे.
तर वनप्लसच्या या स्मार्टफोनमध्ये ५,००० एमएएचची बॅटरी देण्यात आली आहे. यात १०० वॉट सुपरव्हीओसी फास्ट चार्जिंग सपोर्ट देण्यात आला आहे. तर फोनच्या मागील बाजूस ट्रिपल कॅमेरा सेटअप देण्यात आला आहे. यात ५० मेगापिक्सलचा प्रायमरी कॅमेरा आहे. तर यात ४८ मेगापिक्सलचा अल्ट्रा वाइड अँगल सेन्सर आणि ३२ मेगापिक्सलचा पोर्ट्रेट सेन्सर देण्यात आला आहे. तर सेल्फी आणि व्हिडिओ कॉलिंगसाठी यात १६ मेगापिक्सलचा फ्रंट कॅमेरा देण्यात आला आहे.

रेड केबल क्लब सदस्यांना २ ००० रुपयांची सूट
वनप्लस 11 च्या 8 जीबी रॅम + 128 जीबी रॉम मॉडेलची किंमत 56,999 रुपये आहे. तर 16 जीबी + 256 जीबी स्टोरेज व्हेरियंटची किंमत 61,999 रुपये आहे. याशिवाय वनप्लसने रेड केबल क्लब सदस्यांसाठी २,००० रुपयांची सूट जाहीर केली आहे. दुसरीकडे, आयसीआयसीआय बँकेच्या ग्राहकांना फोन खरेदी केल्यास १,००० रुपयांची अतिरिक्त सूट आहे.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : OnePlus 11 5G Launch date in India as on 13 February 2023

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.