'माऊ' म्हणजे मांजर नाही तर 'माननीय उद्धव ठाकरे': हितेंद्र ठाकूर

पालघर : पालघर पोटनिवडणुकी दरम्यानच्या स्वपक्षीय तसेच मित्रपक्षांच्या कार्यपद्धतीवर आमदार हितेंद्र ठाकूर यांनी त्याच्यासमोरच शाळा घेत खंत व्यक्त केली. तसेच त्यांच्यासमोरच तुम्ही विकले गेला होतात की नाही असा रोखठोक प्रश्न उपस्थित केला. दरम्यान, जर मित्रपक्षांची लायकी होती तर मतं कमी पडली असा प्रश्न देखील त्यांच्यासमोरच विचारला.

मात्र हे सर्व जुने दाखले देताना आता या निवडणुकीत आपण सर्व एकत्र आहोत असं देखील ते म्हणाले. यावेळी त्यांनी शिवसेना पक्षप्रमुख उद्धव ठाकरे याना देखील लक्ष केलं आणि म्हणाले की उद्धव ठाकरे पालघरच्या दौऱ्यावर येतात आणि बोलतात आम्ही गुंड म्हणून आहोत, पण बाळासाहेब म्हणायचे की गुंड चालेल पण षंड नको. मग मी गुंड आहे असे देखील आमदार ठाकूर यावेळी म्हणाले. पुढे शिवसेनेवर टीका करताना आमदार ठाकूर म्हणाले की शिवसेनेमधील जोश संपला आहे. वनगा कुटुंबाची वाट देखील शिवसेनेने लावली आणि आधी त्यांच्या मुलाला गाजर दाखवलं. त्यामुळे ही बाळासाहेबांची शिवसेना राहिलेली नाही असं ही ते म्हणाले. तसेच काही नेते केवळ दाढी वाढवून आनंद दिघे बनण्याचा प्रयत्न करत आहेत असा अप्रत्यक्ष टोला एकनाथ शिंदे यांना लगावला. पुढे उद्धव ठाकरे यांची खिल्ली उडवताना ते म्हणाले की ‘माऊ’ म्हणजे मांजर नाही तर ‘माननीय उद्धव ठाकरे’ असा सणसणीत टोला देखील त्यांनी यावेळी लगावला.

दरम्यान, उपस्थितांसमोर भाषण पूर्ण करताना त्यांच्याकडून ‘आपलं मत शिट्टीला’ असा शब्द प्रयोग झाला आणि एकाच हशा पिकली आणि त्यावर आमदार हितेंद्र ठाकूर यांनी गंमतीशीरपणे ‘पहिल्या बायकोला आणि पहिल्या प्रेमाला विसरू शकत नाही’ अशी प्रतिक्रिया दिली. तसेच आमची निशाणी देखील चोरली असा आरोप देखील यावेळी केला.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.