Amit Shah Vs Lingayat Community | कर्नाटकात अमित शहा यांच्या विरोधात लिंगायत समाजाचा रोष वाढला आणि नेमकं कारण काय?

Amit Shah Vs Lingayat Community | कर्नाटकात विधानसभा निवडणुकीचा प्रचार जोरात सुरू झाला आहे. राज्यात लिंगायत समाजाची सर्वाधिक चर्चा होत आहे. काँग्रेस आणि भाजप हे दोन्ही पक्ष या समाजाला आकर्षित करण्यासाठी कोणतीही कसर सोडत नाहीत. लिंगायत समाजातील नेत्याला भाजप यावेळी मुख्यमंत्रिपदाचा चेहरा बनवू शकते, अशीही चर्चा होती. मात्र गृहमंत्री अमित शहा यांनी यावर सहमती दर्शवली नसल्याचे वृत्त आहे. लिंगायत समाजाचा चेहरा समोर ठेवला तर लिंगायतेतर समाज संघटित होऊन भाजपच्या विरोधात उभा राहू शकेल, असे त्यांना वाटते.

माजी मुख्यमंत्री आणि भाजप नेते जगदीश शेट्टार यांनी पक्ष सोडून काँग्रेसमध्ये प्रवेश केल्यानंतर हा हल्ला प्रश्न अधिक चव्हाट्यावर आला होता. त्यामुळे भाजप लिंगायतविरोधी असल्याचे दाखवण्याचा काँग्रेसचा प्रयत्न आहे. याविरोधात लिंगायत मुख्यमंत्र्यांचा डॅमेज कंट्रोलचा मुद्दा समोर आणण्यात आला आहे. जगदीश शेट्टार, लक्ष्मण सावदी यांच्यासारख्या नेत्यांमुळे भाजपला १५-२० फटका बसण्याची चिन्हं आहेत. कर्नाटकात विधानसभेच्या एकूण २२४ जागा आहेत. त्यानुसार बहुमताचा जादुई आकडा ११३ आहे.

काही लिंगायत नेत्यांनी भाजप पक्ष सोडल्यानंतर झालेले नुकसान कमी करण्यासाठी आम्ही मुख्यमंत्रीपदासाठी लिंगायत चेहरा पुढे करण्याची सूचना केली होती, अशी माहिती भाजपच्या एका वरिष्ठ पदाधिकाऱ्याने शुक्रवारी बैठकीनंतर दिली. मात्र अमित शहा यांनी मात्र लिंगायतेतर मते मिळणे अवघड होईल, असे सांगत हा प्रस्ताव फेटाळून लावला अशी माहिती दिली आणि परिणामी लिंगायत नेत्यांमध्ये अमित शहा यांच्याबद्दल नाराजीचा सूर वाढला आहे. डबल इंजिन सरकार आणि विकास, आरक्षणाचा मुद्दा मांडण्याचा सल्ला अमित शहा यांनी कर्नाटक प्रदेश भाजपला दिला आहे. याशिवाय 30 एप्रिलनंतर पंतप्रधान नरेंद्र मोदी 20 ठिकाणी सभा घेणार असल्याचे सांगण्यात आले आहे. तसेच अमित शहा 29 एप्रिलनंतर प्रचारही करणार आहेत.

अमित शहा यांनी कर्नाटकातील देवनहळ्ळी येथे सभा घेतली आणि त्यानंतर रात्री उशिरा भाजप पदाधिकाऱ्यांची बैठक घेतली. मुख्यमंत्री बोम्मई, ज्येष्ठ नेते बीएस येडियुरप्पा, कर्नाटकचे भाजपचे प्रभारी अरुण सिंह, भाजपचे राष्ट्रीय सरचिटणीस बी. एल. संतोष आणि अन्नामलाई, शोभा करंदलाजे यांच्यासह अनेक ज्येष्ठ नेते या बैठकीला उपस्थित होते. शेट्टार, सावदी आणि अयानूर मंजुनाथ यांच्याविरोधात मोहीम राबवून त्यांची फसवणूक जनतेसमोर ठेवली पाहिजे, असे अमित शहा म्हणाले. मात्र भाजपने येडियुरप्पा यांना ज्या पद्धतीने वागणूक दिली, त्यावर लिंगायत समाज कधीच भाजपवर विश्वास ठेवणार नाही, असा दावा जगदीश शेट्टार यांनी केला.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Amit Shah Vs Lingayat Community check details on 23 April 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.