Vivo Y78+ 5G | विवोचा नवा 5G स्मार्टफोन 50 MP कॅमेऱ्यासह येणार, मिळणार सुपरफास्ट चार्जिंग

Vivo Y78+ 5G | विवोने आपल्या स्मार्टफोनची रेंज वाढवण्यासाठी नवा हँडसेट विवो वाय ७८+ ५जी बाजारात लाँच केला आहे. कंपनीच्या वाय सीरिजचा हा पहिला स्मार्टफोन आहे, जो कर्व्ड-एज डिस्प्लेसह येतो. फोनमध्ये कंपनी ५० मेगापिक्सलचा प्रायमरी कॅमेरा आणि पॉवरफुल स्नॅपड्रॅगन ६ सिरीज चिपसेट देत आहे. याशिवाय या फोनमध्ये ४४ वॅट फास्ट चार्जिंग देण्यात आले आहे. हा फोन १२ जीबी पर्यंत रॅम आणि २५६ जीबी पर्यंत इंटरनल स्टोरेज ऑप्शनमध्ये येतो. हा फोन मून शॅडो ब्लॅक, वॉर्म सन गोल्ड आणि स्काय ब्लू या तीन रंगांमध्ये उपलब्ध आहे.

फीचर्स आणि स्पेसिफिकेशन्स
फोनमध्ये ६.७८ इंचाचा फुल एचडी+ ओएलईडी डिस्प्ले असून त्याचे रिझोल्यूशन १०८०×२४०० पिक्सल आहे. हा डिस्प्ले १२० हर्ट्झच्या रिफ्रेश रेटला सपोर्ट करतो. डिस्प्लेची पीक ब्राइटनेस लेव्हल ११०० निट्स आहे. कंपनीने हा फोन एलपीडीडीआर४एक्स रॅममध्ये १२ जीबीपर्यंत आणि यूएफएस २.२ स्टोरेजमध्ये २५६ जीबीपर्यंत लाँच केला आहे. प्रोसेसर म्हणून यात स्नॅपड्रॅगन ६९५ चिपसेट दिला जात आहे.

स्मार्टफोनच्या रियरमध्ये फोटोग्राफीसाठी ड्युअल एलईडी फ्लॅशसह ड्युअल कॅमेरा सेटअप देण्यात आला आहे. यात २ मेगापिक्सलचा मॅक्रो लेन्स आणि ५० मेगापिक्सलचा मुख्य कॅमेरा आहे. तर सेल्फीसाठी कंपनी फोनमध्ये ८ मेगापिक्सलचा फ्रंट कॅमेरा देत आहे. विवोचा हा फोन ४५०० एमएएच बॅटरीसह येतो, जो ४४ वॉट फास्ट चार्जिंगला सपोर्ट करतो.

ओएसबद्दल बोलायचे झाले तर हा फोन अँड्रॉइड १३ वर आधारित ओरिजिन ओएस २ यूआयवर काम करतो. कनेक्टिव्हिटीसाठी या ड्युअल सिम फोनमध्ये वाय-फाय 802.11 एसी, 5जी, ब्लूटूथ 5.1, जीपीएस, यूएसबी टाइप-सी पोर्ट आणि 3.5 एमएम हेडफोन जॅक सारखे पर्याय आहेत. कंपनीने हा फोन नुकताच चीनमध्ये लाँच केला आहे आणि लवकरच भारतातही लाँच होणार आहे. याची सुरुवातीची किंमत 19 हजार रुपये असेल.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Vivo Y78+ 5G price in India check details on 23 April 2023.