Infollion Research Services IPO | IPO आला रे! गुंतवणूकदारांना पहिल्या दिवशीच 49 टक्के परतावा मिळणार? लिस्टिंगपूर्वी मोठी अपडेट

Infollion Research Services IPO | सध्या जर तुम्ही IPO मध्ये गुंतवणूक करून फायदा कमवू इच्छित असाल तर तुमच्यासाठी एक खुश खबर आहे. ‘इन्फोलियन रिसर्च सर्व्हिसेस लिमिटेड’ ही कंपनी 29 मे 2023 ते 31 मे 2023 दरम्यान आपला IPO लाँच करणार आहे. ‘इन्फोलियन रिसर्च सर्व्हिसेस’ कंपनी आपल्या IPO च्या माध्यमातून 21.45 कोटी रुपये भांडवल उभारणी करणार आहे. या कंपनीने आपल्या IPO मध्ये शेअरची किंमत बँड 80-82 रुपये निश्चित केली आहे. या कंपनीचे IPO ग्रे मार्केटमध्ये 40 रुपये प्रीमियम किमतीवर ट्रेड करत आहे.

ग्रे मार्केटमध्ये जबरदस्त रिस्पॉन्स
‘इन्फोलियन रिसर्च सर्व्हिसेस’ कंपनीच्या शेअर्सना ग्रे मार्केटमध्ये जबरदस्त रिस्पॉन्स मिळत आहे. ‘इन्फोलियन रिसर्च सर्व्हिसेस’ कंपनीचा आयपीओ अद्याप सबस्क्रिप्शनसाठी खुला झाला नाही, तरी देखील या कंपनीच्या शेअर्सची ग्रे मार्केट प्रीमियम किंमत 40 रुपयेवर पोहोचली आहे.

पहिल्या दिवशीच 49 टक्के नफा मिळेल?
जर या कंपनीचे IPO शेअर्स 82 रुपये अप्पर किंमत बँडवर वाटप केले गेले आणि 40 रुपये ग्रे मार्केट प्रीमियम टिकुन राहिला तर ‘इन्फोलियन रिसर्च सर्व्हिसेस’ कंपनीचे शेअर्स 122 रुपये किमतीवर सूचीबद्ध होऊ शकतात. म्हणजेच गुंतवणूकदारांना स्टॉक लिस्टिंगच्या पहिल्या दिवशीच 49 टक्के नफा मिळेल.

5 जून 2023 रोजी शेअर्स वाटप
‘इन्फोलियन रिसर्च सर्व्हिसेस’ कंपनीने आपल्या IPO मध्ये एक लॉट अंतर्गत 1600 शेअर्स ठेवले आहेत. कंपनीचे IPO शेअर्स 5 जून 2023 रोजी वाटप केले जातील. आणि 8 जून 2023 रोजी शेअर बाजारात सूचीबद्ध केले जातील. किरकोळ गुंतवणूकदार या IPO मध्ये फक्त 1 लॉटसाठी पैसे लावू शकतात.

एका लॉट अंतर्गत 1600 शेअर्स
एका लॉट अंतर्गत 1600 शेअर्स खरेदी करण्यासाठी गुंतवणूकदारांना किमान 131,200 रुपये जमा करावे लागतील. उच्च नेट वर्थ असलेले गुंतवणुकदार किमान 2 लॉटसाठी म्हणजे 3200 शेअर्ससाठी बोली लावू शकतात. म्हणजेच HNI ला गुंतवणूक करण्यासाठी 262,400 रुपये जमा करावे लागतील.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Infollion Research Services IPO is ready to launch check details on 25 May 2023