LIC Share Price | एलआयसीच्या नफ्यात अप्रतिम मोठी वाढ, पण LIC शेअरला फायदा होऊन तेजी येणार का? डिटेल्स जाणून घ्या

LIC Share Price | भारत सरकारच्या मालकीची सर्वात मोठी विमा कंपनी एलआयसीच्या नफ्यात 5 पट वाढ नोंदवली गेली आहे. जानेवारी-मार्च 2023 या तिमाहीत एलआयसी विमा कंपनीने 13427.8 कोटी रुपये निव्वळ नफा कमावला आहे. मागील वर्षीच्या मार्च तिमाहीच्या तुलनेत या तिमाहीत एलआयसी कंपनीच्या नफ्यात 466 टक्के वाढ पाहायला मिळाली आहे.

एलआयसी शेअरची सध्याची किंमत
एलआयसी कंपनीने मागील वर्षीच्या मार्च तिमाहीत 2371.5 कोटी रुपये निव्वळ नफा कमावला होता. गुरुवारी एलआयसी कंपनीचे शेअर्स 3 टक्क्यांच्या वाढीसह 613.65 रुपये किमतीवर ट्रेड करत होते. आज शुक्रवार दिनांक 26 मे 2023 रोजी या कंपनीचे शेअर्स 0.041 टक्के वाढीसह 603.85 रुपये किमतीवर ट्रेड करत आहेत.

प्रत्येक शेअरवर लाभांश देणार
एलआयसी कंपनीने तिमाही निकालाच्या पार्श्वभूमीवर आपल्या शेअर धारकांना प्रत्येक शेअरवर 30 टक्के लाभांश वाटप करण्याची घोषणा केली आहे. म्हणजेच LIC कंपनी आर्थिक वर्ष 2022-23 साठी प्रति शेअर 3 रुपये लाभांश देणार आहे. एलआयसी कंपनी लाभांश पेमेंटवर एकूण 1897 कोटी रुपये खर्च करणार आहे.

मार्च 2023 च्या तिमाहीत एलआयसी कंपनीने आपल्या गैर-सहभागी निधीतून शेअर होल्डर्स फंडमध्ये 7299 कोटी रुपये हस्तांतरित केले होते. LIC कंपनीने आर्थिक वर्ष 2022-23 च्या शेवटच्या तिमाहीत 8428.5 कोटी रुपये निव्वळ कमिशन उत्पन्न मिळवले आहे, जे मागील वर्षीच्या तुलनेत 5.4 टक्के जास्त आहे.

कमाईचे तपशील
जानेवारी-मार्च 2023 तिमाहीत, एलआयसीच्या निव्वळ प्रीमियम उत्पन्नमध्ये वार्षिक आधारावर 8.3 टक्क्यांची वास झाली असून, कंपनीने 1.31 लाख कोटी रुपये कमाई केली आहे. तथापि कंपनीचे प्रीमियम उत्पन्न तिमाही आधारावर 17.9 टक्के वाढले आहे. मार्च 2023 च्या तिमाहीत एलआयसी कंपनीचा पहिल्या वर्षाचा प्रीमियम 12.33 टक्के घसरणीसह 12811.2 कोटी रुपये नोंदवला गेला होता.

त्याच वेळी, नूतनीकरण प्रीमियम 6.8 टक्के वाढीसह 76009 कोटी रुपयेवर पोहचला आहे. संपूर्ण आर्थिक वर्ष 2022-23 साठी एलआयसी चा निव्वळ नफा अनेक पटींनी वाढून 35,997 कोटी रुपये नोंदवला गेला आहे, जो मागील आर्थिक वर्षात 4125 कोटी रुपये नोंदवला गेला होता.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title| LIC Share Price today on 26 May 2023

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.