Xiaomi Pad 6 | शाओमीने लाँच केला दमदार टॅबलेट, मोठ्या बॅटरीसह 11 इंचाची स्क्रीन, किंमत आणि फीचर्स पहा

Xiaomi Pad 6 | शाओमी पॅड 6 भारतात लाँच करण्यात आला आहे. या वर्षाच्या सुरुवातीला हा टॅबलेट चीनमध्ये लाँच करण्यात आला होता. हा टॅबलेट स्नॅपड्रॅगन 870 प्रोसेसरसह सुसज्ज असून तो अँड्रॉइड 13 आधारित एमआययूआय 14 वर चालतो. जाणून घेऊया त्याची बाकी वैशिष्ट्ये.

शाओमी पॅड 6 किंमत

शाओमी पॅड 6 च्या 6 जीबी + 128 जीबी व्हेरिएंटची किंमत 26,999 रुपये आणि 8 जीबी + 256 जीबी व्हेरिएंटची किंमत 28,999 रुपये आहे. हे ग्रॅफाइट ग्रे आणि मिस्ट ब्लू कलर ऑप्शनमध्ये सादर करण्यात आले आहे. ग्राहकांना आयसीआयसीआय बँकेची सूटही मिळणार आहे. यासह दोन्ही व्हेरियंटची किंमत अनुक्रमे 23,999 रुपये आणि 25,999 रुपये असेल.

शाओमीच्या म्हणण्यानुसार, हा टॅबलेट भारतात 21 जूनपासून अॅमेझॉन, शाओमीची अधिकृत साइट आणि इतर रिटेल स्टोअर्सवरून विकला जाईल. शाओमी पॅड 6 कीबोर्ड आणि कव्हर आणि स्मार्ट पेन (सेकंड जेन) ची किंमत अनुक्रमे 4,999 रुपये, 1,499 रुपये आणि 5,999 रुपये आहे. त्यांची विक्री २१ जूनपासून सुरू होणार आहे.

शाओमी पॅड 6 च्या स्पेसिफिकेशन्सबद्दल बोलायचे झाले तर, हा टॅबलेट अँड्रॉइड 13 आधारित एमआययूआय 14 वर चालतो आणि 550 निट्स पीक ब्राइटनेस आणि 144 हर्ट्झ रिफ्रेश रेटसह 11 इंच 2.8 के (1,800×2,880 पिक्सल) आयपीएस एलसीडी डिस्प्ले आहे.

स्नॅपड्रॅगन 870 प्रोसेसर

या टॅब्लेटमध्ये स्नॅपड्रॅगन 870 प्रोसेसर असून 8 जीबी पर्यंत एलपीडीडीआर 5 रॅम आणि 256 जीबी यूएफएस 3.1 स्टोरेज आहे. फोटोग्राफीसाठी या टॅबलेटमध्ये मागील बाजूस १३ मेगापिक्सलचा प्रायमरी कॅमेरा आणि फ्रंटमध्ये ८ मेगापिक्सलचा सेल्फी कॅमेरा देण्यात आला आहे.

डॉल्बी अॅटमॉस सपोर्टसह क्वाड स्पीकर सेटअप

शाओमी पॅड 6 मध्ये डॉल्बी अॅटमॉस सपोर्टसह क्वाड स्पीकर सेटअप देखील आहे. कनेक्टिव्हिटीच्या दृष्टीने यात वाय-फाय 6, ब्लूटूथ 5.3 आणि यूएसबी टाइप-सी पोर्टचा सपोर्ट आहे. या टॅबमध्ये ३३ वॉट वायर्ड फास्ट चार्जिंग सपोर्टसह ८,८४० एमएएच ची बॅटरी देण्यात आली आहे.

News Title : Xiaomi Pad 6 Price in India check details on 13 June 2023.