केजरीवाल आमच्या डोक्याला बंदुक लावून निर्णय घेण्यास भाग पाडू शकत नाहीत, अध्यादेशाच्या मुद्द्यावर आप'ला काँग्रेसचं प्रत्युत्तर

Lok Sabha Election 2023 | केंद्राने आणलेल्या अध्यादेशावरून केजरीवाल सरकार आणि काँग्रेसमध्ये संघर्ष कायम आहे. विरोधी पक्षांच्या सर्वसाधारण सभेनंतर ‘आप’ने स्पष्टपणे सांगितले आहे की, अध्यादेशाच्या विरोधात संसदेत मतदान करण्याचे आश्वासन दिल्याशिवाय काँग्रेससोबत कोणत्याही आघाडीत किंवा बैठकीत सहभागी होणार नाही.

त्यानंतर अरविंद केजरीवाल बैठकीनंतर संयुक्त पत्रकार परिषदेला उपस्थित राहिले नाहीत. तर दुसरीकडे काँग्रेसही कडक आहे. टाईम्स ऑफ इंडियाने दिलेल्या वृत्तानुसार, आपले म्हणणे मांडण्यासाठी आमच्या डोक्यावर बंदूक ठेवू नका, असे सडेतोड उत्तर काँग्रेसने दिले आहे.

या मुद्द्यावर काँग्रेस अध्यक्ष मल्लिकार्जुन खर्गे आणि केसी वेणुगोपाल यांनी अरविंद केजरीवाल यांच्या प्रयत्नांवर प्रश्नचिन्ह उपस्थित केले आहे. काँग्रेसने आम आदमी पक्षाच्या भाषेवर आक्षेप घेतला. ‘आप’चे वक्तव्य धमकावण्यासारखे असल्याचेही खर्गे यांनी म्हटले आहे. काँग्रेसचे सरचिटणीस वेणुगोपाल म्हणाले की, तुम्ही आमच्या डोक्यावर बंदूक ठेवून आम्हाला निर्णय घेण्यास सांगू शकत नाही.

अध्यादेशावर काँग्रेसच्या मौनाचा ‘आप’कडून निषेध
केंद्र सरकारच्या अध्यादेशावर काँग्रेसच्या मौनाचा आम आदमी पक्षाने निषेध केला आहे. मात्र, ‘आप’ने आपल्या अधिकृत ट्विटर हँडलवर एक निवेदन जारी करून केंद्राच्या अध्यादेशाला काळा अध्यादेश म्हटले आहे. या अध्यादेशाचा उद्देश केवळ दिल्लीतील निवडून आलेल्या सरकारचे लोकशाही हक्क हिरावून घेण्याचा नाही, तर भारताच्या लोकशाही आणि घटनात्मक तत्त्वांनाही धोका आहे, असे या निवेदनात म्हटले आहे.

पाटणा येथे झालेल्या बैठकीत सहभागी झालेल्या पक्षांपैकी १२ पक्षांचे राज्यसभेत प्रतिनिधित्व असून काँग्रेस वगळता इतर सर्व पक्षांनी अध्यादेशाच्या विरोधात आपली भूमिका स्पष्टपणे मांडली असून राज्यसभेत त्याला विरोध करणार असल्याचे जाहीर केले आहे.

काळ्या अध्यादेशाबाबत काँग्रेसने अद्याप आपली भूमिका जाहीर केलेली नाही, अशी खंत या निवेदनात व्यक्त करण्यात आली आहे. काँग्रेसच्या दिल्ली आणि पंजाब शाखेने या मुद्द्यावर मोदी सरकारला पाठिंबा द्यावा, असे जाहीर केले आहे. ‘आप’ने जारी केलेल्या निवेदनात दावा करण्यात आला आहे की, शुक्रवारी पाटणा येथे झालेल्या बैठकीत अनेक पक्षांनी काँग्रेसला काळ्या अध्यादेशाचा जाहीर निषेध करण्याची विनंती केली. मात्र, काँग्रेसने तसे करण्यास नकार दिला. ‘आप’च्या निवेदनात म्हटले आहे की, पक्षाच्या मौनामुळे त्यांच्या खऱ्या हेतूवर शंका निर्माण होते.

News Title : Congress Party Mallikarjun Kharge to Aap over ordinance issue check details on 24 June 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.