फ्रान्समधील दंगलींवर योगी मॉडेलची फ्रान्समधून ट्विटने मागणी, CMO-गोदी मीडियाकडून प्रचार, ट्विट करणारा योगी भक्त 'नरेंद्र' नामक गुन्हेगार निघाला

Narendra Yadav | फ्रान्समध्ये गेल्या पाच दिवसांपासून सातत्याने हिंसाचार सुरू आहे. सर्व प्रयत्न करूनही परिस्थिती सुधारत नाही. दरम्यान, परिस्थिती नियंत्रणात आणण्यासाठी फ्रान्समध्ये ‘योगी मॉडेल’ची मागणी जोर धरू लागली आहे. प्रोफेसर एन जॉन कॅम नावाच्या प्रोफाईल असलेल्या व्यक्तीने ट्विटरवर ही मागणी केली आहे.

विशेष म्हणजे यावर उत्तर प्रदेश सरकारने अधिकृत प्रतिक्रिया देत योगी आदित्यनाथ यांची पाठ थोपटण्याचा प्रकार केला आणि त्यानंतर लगेच भाजपसंबंधित गोदी मीडियाच्या टीव्ही वृत्तवाहिन्यांनी यावर योगी सरकारचा जयजयकार करण्यास सुरवात केली. परंतु, संबंधित ट्विटर अकाउंट फेक असल्याचं समोर आलं असून ते एका फसवणुकीच्या प्रकरणातील आरोपीचं आहे हे समोर आल्यानंतर गोदी मीडियाने बातम्या डिलीट करण्यास सुरुवात केली आहे. भाजपचा IT सेलसुद्धा नेहमीप्रमाणे तोंडघशी पडला आहे.

ट्विटरवर ही व्यक्ती स्वत:ला अँजिओग्राफी आणि अँजिओप्लास्टीमध्ये तज्ज्ञ असल्याचे सांगत आहे, परंतु सोशल मीडियावरील त्याची पोलखोल झाली असून संबंधित प्रोफाइल खरंतर नरेंद्र विक्रमादित्य यादव नावाच्या व्यक्तीचे आहे आणि त्याने फ्रान्समधील प्रसिद्ध व्यक्तीच्या नावाने फेक अकाउंट बनवून ते पेड वेरिफाइड करून घेतले आहे. या व्यक्तीला फसवणुकीच्या प्रकरणात हैदराबादमध्ये अटक करण्यात आली होती.

योगी जी जिस व्यक्ति के एकाउंट को यूरोपियन डॉक्टर बताया गया है दरअसल वह भारतीय है और उसका नाम नरेंद्र विक्रमादित्य है जो कि आपसे कुछ समय पहले मुलाक़ात भी कर चुका है,इसे 2019 में तेलंगाना पुलिस ने धोखाधड़ी के आरोप में गिरफ्तार कर जेल भी भेजा था,लेकिन आपकी टीम ने जानते हुए भी उसके… pic.twitter.com/eYeFXCqmva

— Zakir Ali Tyagi (@ZakirAliTyagi) July 1, 2023

काय होतं ट्वीटमध्ये?
प्राध्यापक एन. जॉन कॅम यांनी ट्विट करत म्हटले आहे की, दंगलनियंत्रणासाठी आणि परिस्थिती नियंत्रणात आणण्यासाठी योगी आदित्यनाथ यांना फ्रान्सला पाठवा. ‘देवा, अवघ्या २४ तासांत ते कारवाई करतील आणि सर्व काही सुरळीत करतील. या ट्विटमध्ये योगी आदित्यनाथ यांनाही टॅग करण्यात आले होते. त्यानंतर या ट्विटला उत्तर प्रदेशचे मुख्यमंत्री योगी आदित्यनाथ यांच्या कार्यालयाकडूनही उत्तर देण्यात आले आहे. जगाच्या कुठल्याही कोपऱ्यात जेव्हा दंगल होते, कायदा व सुव्यवस्था बिघडते, तेव्हा जग योगी मॉडेलची मागणी करते. याच मॉडेलच्या आधारे महाराजांनी उत्तर प्रदेशात कायदा व सुव्यवस्था प्रस्थापित केली आहे असं ट्विटमध्ये म्हटले आहे. यानंतर गोदी मीडियाच्या बातम्या जोर धरू लागल्या.

Yogi yeh Prof N John Camm’ ka naam Narendra Vikramaditya Yadav hai. pic.twitter.com/62R823qAQb

— Zayn Khan (@zaynbayboi) July 1, 2023

News Title : Riots in France demand for Yogi Model Tweeter Narendra Yadav check details on 01 June 2023.