INDIA Alliance | जम्मू काश्मीरमधील लडाख परिषदेच्या निवडणुकीत इंडिया आघाडीने भाजपचा धुव्वा उडवला, 22 पैकी 18 जागांवर विजयी

INDIA Alliance | लडाख, कारगिल येथे झालेल्या स्वायत्त हिल कौन्सिल निवडणुकीत काँग्रेस आणि नॅशनल कॉन्फरन्स आघाडीने भाजपचा पराभव केला. 2019 मध्ये कलम 370 हटवल्यानंतर येथे पहिली निवडणूक झाली. लडाख परिषदेच्या निवडणुकीच्या २६ जागांची मतमोजणी जसजशी पुढे सरकत गेली तसतशी काँग्रेस आणि नॅशनल कॉन्फरन्सने भाजपला मागे टाकले. 22 जागांपैकी काँग्रेसने 8 आणि नॅशनल कॉन्फरन्सने 11 जागा जिंकल्या आहेत. तर, भाजपला दोन आणि अपक्ष उमेदवाराला एक जागा मिळाली.

मेहबूबा यांनी व्यक्त केला आनंद
पीपल्स डेमोक्रॅटिक पार्टीच्या (पीडीपी) प्रमुख मेहबूबा मुफ्ती म्हणाल्या की, कारगिलमध्ये नॅशनल कॉन्फरन्स आणि कॉंग्रेससारख्या धर्मनिरपेक्ष पक्षांचा विजय पाहून आनंद होत आहे. पीडीपीने निवडणूक लढवली नाही. ‘कारगिलमध्ये नॅशनल कॉन्फरन्स आणि कॉंग्रेससारख्या धर्मनिरपेक्ष पक्षांचा विजय पाहून आनंद झाला. पाचव्या एलएएचडीसी निवडणुकीच्या तिसऱ्या फेरीच्या आकडेवारीनुसार, कारगिल जिल्ह्यात सुमारे ६५ टक्के मतदारांनी मतदान केले.

सर्वोच्च न्यायालयाच्या निर्देशानंतर
गेल्या महिन्यात सर्वोच्च न्यायालयाच्या निर्देशानंतर लडाख प्रशासनाने कारगिल भागात पाचव्या एलएएचडीसी निवडणुकीचा नवा कार्यक्रम जाहीर केला होता. सर्वोच्च न्यायालयाने आगामी निवडणुकांसाठी नॅशनल कॉन्फरन्सचे पक्षाचे चिन्ह बहाल करताना केंद्रशासित प्रदेश प्रशासनाची मागील निवडणूक अधिसूचना रद्द बातल ठरविल्यानंतर ही अधिसूचना जारी करण्यात आली आहे. कारण नॅशनल कॉन्फरन्सचे उमेदवार उमेदवारी अर्ज दाखल करू शकले नाहीत. अधिसूचनेनुसार, एलएएचडीसीच्या 30 जागांपैकी 26 जागांसाठी 4 ऑक्टोबर रोजी निवडणूक झाली होती.

फिरोज खान सध्या अध्यक्ष आहेत
सध्याच्या परिषदेचे अध्यक्ष नॅशनल कॉन्फरन्सचे फिरोज अहमद खान आहेत. निवडणुकीपूर्वी काँग्रेसने नॅशनल कॉन्फरन्सशी हातमिळवणी केली आणि २२ उमेदवार उभे केले. नॅशनल कॉन्फरन्सने १७ उमेदवार उभे केले. ज्या भागात भाजपशी कडवी लढत आहे, त्या भागापुरतीच ही व्यवस्था मर्यादित असल्याचे दोन्ही पक्षांचे म्हणणे आहे.

गेल्या निवडणुकीत एक जागा जिंकणाऱ्या आणि नंतर पीडीपीच्या दोन नगरसेवकांनी पक्षात प्रवेश केल्यानंतर आपली संख्या तीनवर नेणाऱ्या भाजपने यावेळी १७ उमेदवार उभे केले होते. आम आदमी पक्षाने चार जागांवर नशीब आजमावले, तर २५ अपक्षही रिंगणात होते.

News Title : INDIA Alliance big victory in Jammu Kashmir Ladakh Election 08 October 2023.