आज फडणवीस सरकारचा शेवटचा अर्थसंकल्प

मुंबई : महाराष्ट्र राज्याचा आर्थिक पाहणी अहवाल सादर करण्यात आला आहे. सदर अहवालात राज्याची अर्थव्यवस्था देशाच्या ६.८ टक्के विकास दरापेक्षा अधिक वेगाने म्हणजे ७.५ टक्के दराने विकसित होत असून राज्याने आधीच्या ४ वर्षात सरासरीपेक्षा कमी पाऊस होऊनही प्रगतीची घोडदौड निरंतर राखण्यात यश प्राप्त झाले असल्याचे वित्त व नियोजनमंत्री सुधीर मुनगंटीवार यांनी सांगितले. त्यामुळे मुनगंटीवार आज दुपारी १.४५ वाजता राज्य सरकारचा अंतरिम अर्थसंकल्प सादर करतील.

राज्याचा अर्थसंकल्प आज दुपारी सादर होणार असून आगामी विधानसभा निवडणुकांच्या अनुषंगाने मोठ्या आणि लोकप्रिय घोषणांची शक्यता वर्तविण्यात येत आहे. शेतकरी वर्गाला अधिक प्रमाणात खुश करण्यावर फडणवीस सरकारचा सर्वाधिक भर असेल. पावसाळी अधिवेशनाला काल १७ जुन पासून सुरुवात झाली असून पहिल्या दिवशी केवळ शोकप्रस्ताव ठेऊन आणि मंत्रीमंडळा विस्तारानंतर नवीन मंत्र्यांचे स्वागत करुन सभागृहाचे कामकाज बंद करण्यात आले. त्यानंतर, आज निवडणुकांच्या पार्श्वभूमीवर २०१९-२०२० चा आज अंतरिम अर्थसंकल्प सादर करण्यात येणार आहे. अर्थमंत्री सुधीर मुनगंटीवार दुपारी अर्थसंकल्प सादर करतील. तर विधानपरिषदेत राज्यमंत्री दिपक केसरकर अर्थसंकल्प मांडणार आहेत.

महा अर्थसंकल्प २०१९
मंगलवार १८ जून २०१९ रोजी दुपारी १.४५ पासून#MahaBudget2019
Tuesday, June 18, 2019, 1.45pm onwards pic.twitter.com/K64mF1SUJk

— Sudhir Mungantiwar (@SMungantiwar) June 17, 2019