HDFC Bank Share Price | एचडीएफसी बँक शेअरमध्ये मोठी उसळी, तज्ज्ञांनी जाहीर केली शेअरची पुढची टार्गेट प्राईस

HDFC Bank Share Price | एचडीएफसी बँक लिमिटेडच्या निव्वळ नफ्यात सप्टेंबर २०२३ मध्ये संपलेल्या तिमाहीत ५१ टक्क्यांनी वाढ झाली आहे. तर, एकूण उत्पन्नात ७० टक्के वाढ नोंदविण्यात आली. एचडीएफसी बँकेचे समभाग मंगळवारी सकारात्मक उघडले आणि मजबूत तिमाही निकालांमुळे ते एक टक्क्यांहून अधिक वधारले. जेफरीजसह काही ब्रोकरेज कंपन्यांनी बँकेच्या शेअरवर बाय रेटिंग दिले आहे. HDFC Netbanking

एचडीएफसी बँक लिमिटेडने सोमवारी बाजार बंद झाल्यानंतर सप्टेंबर २०२३ रोजी संपलेल्या दुसऱ्या तिमाहीचे निकाल जाहीर केले. दुसऱ्या तिमाहीत निव्वळ नफ्यात ५१ टक्क्यांची वाढ झाली असून ती वाढून १५,९७६ कोटी रुपये झाली आहे. तर दुसऱ्या तिमाहीतील एकूण उत्पन्न ७० टक्क्यांनी वाढून ७८,४०६ कोटी रुपयांवर पोहोचले आहे.

दुसऱ्या तिमाहीत बँकेचे निव्वळ व्याज उत्पन्न (एनआयआय) ३० टक्क्यांनी वाढून २७,३८५ कोटी रुपयांवर पोहोचले आहे. तर खासगी क्षेत्रातील बँक एचडीएफसीचा कामकाजातून होणारा नफा वार्षिक आधारावर ३०.५ टक्क्यांनी वाढून २२,६९४ कोटी रुपये झाला आहे. ३० सप्टेंबरपर्यंत एकूण कर्जाच्या टक्केवारीनुसार एकूण अनुत्पादक मालमत्ता (एनपीए) १.३४ टक्के होती, जी वर्षभरापूर्वी १.२३ टक्के आणि तिमाहीपूर्वी १.१७ टक्के होती. त्याचवेळी ३० सप्टेंबरपर्यंत निव्वळ अनुत्पादक मालमत्तेचे प्रमाण ०.३५ टक्के होते, जे वर्षभरापूर्वी ०.३३ टक्के आणि तिमाहीपूर्वी ०.३० टक्के होते.

एचडीएफसी बँकेचा शेअर वधारला
राष्ट्रीय शेअर बाजारात (एनएसई) सोमवारी १,५२९.६० रुपयांवर बंद झालेला एचडीएफसी बँकेचा शेअर मंगळवारी दुसऱ्या तिमाहीच्या निकालाच्या पार्श्वभूमीवर १ टक्क्यांनी वधारून १,५५५.७५ रुपयांवर पोहोचला. प्रतिकूल वातावरणात एचडीएफसी बँकेचा शेअर हिरव्या निशाण्यासह व्यवहार करत होता.

एचडीएफसी बँक शेअर – बाय रेटिंग – टार्गेट प्राइस
ब्रोकरेज फर्म जेफरीजने सप्टेंबर तिमाहीचे निकाल पाहता एचडीएफसी बँकेच्या शेअरवर बाय रेटिंग दिले असून टार्गेट प्राइस २,०३० रुपये ठेवले आहे. एचएसबीसीने बॉय रेटिंग दिले असले तरी टार्गेट प्राइस 1,850 रुपये ठेवण्यात आली आहे. ब्रोकरेज कंपनी मॉर्गन स्टॅनलीने शेअरवर ओव्हरवेट रेटिंग कायम ठेवत टार्गेट प्राइस २,११० रुपये ठेवले आहे. त्याचप्रमाणे नुवामा आणि मोतीलाल ओसवाल यांनी बॉय रेटिंग दिले आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : HDFC Bank Share Price NSE 17 October 2023.