मतदारांनो सावधान! काहीही घडवलं जाईल? निवडणुकीपूर्वी अयोध्येत साधूची हनुमान मंदिरात हत्या, मुस्लिम विषयाशी कोणताही संबंध नाही पण...

Sadhu Ram Sahare Das | लोकसभा निवडणूक तोंडावर आल्या आहेत. तत्पूर्वी देशभरातील विरोधकांनी आरोप करताना म्हटले आहेत की, देशात लोकसभा निवडणुका जिंकण्यासाठी सत्ताधारीच भीषण घटना घडवून आणतील. त्यात अयोध्येत आतंकवादी हल्ला घडवून आणणं तसेच हिंदू-मुस्लिम दंगल घडेल अशा घटना घडवून आणल्या जातील अशी भीती आधीच व्यक्त केली आहे.

निवडणूक जिंकण्यासाठी भाजप कोणत्याही ठरला जाईल असे आरोप विरोधकांनी आधीच केले आहेत. आता अयोध्येतून एक धक्कादायक बातमी आली आहे. अयोध्येतील हनुमान मंदिरात एक साधूची हत्या करण्यात आली आहे. पण या घटनेचा मुस्लिम समाजाशी कोणताही संबंध नाही. परंतु, गोदी मीडिया या देशात कोणताही मुद्दा पेटवून भाजपाला मदत करत हे आता लपून राहिलेलं नाही. महाराष्ट्रातील पालघर घटना देखील अशी पेटविण्यात आली होती.

रामनगरी अयोध्येतील प्रसिद्ध हनुमानगढी मंदिरात एका साधूची गळा चिरून हत्या करण्यात आली आहे. गुरुवारी सकाळी ही घटना उघडकीस येताच एकच खळबळ उडाली. साधू राम सहारे दास हे हनुमानगढीच्या बसंतिया पट्ट्यातील संत दरबल दास यांचे शिष्य होते. घटनेची माहिती मिळताच पोलीस घटनास्थळी दाखल झाले.

कौटुंबिक जमिनीच्या मालकी हक्कावरून वाद
घटनेची माहिती मिळताच आयजी आणि एसएसपीसह इतर पोलिस अधिकारी हनुमानगड कॅम्पसमध्ये पोहोचले. या प्रकरणाची चौकशी सुरू आहे. भिती, आंबेडकरनगर येथील सुमारे १० बिघा जमिनीच्या मालकीहक्कावरून हा खून करण्यात आल्याचे सांगण्यात येत आहे.

घटनेच्या वेळी कॅम्पसमधील सीसीटीव्ही कॅमेरे बंद होते, असे सांगण्यात येत आहे. या घटनेनंतर मंदिर परिसरात राहणारा एक तरुण बेपत्ता आहे. त्याच्यावर खुनाचा संशय आहे. साधू राम सहारे दास हे हनुमानगढी मंदिराच्या प्रवेशद्वाराजवळील एका खोलीत राहत होते. त्याच खोलीत त्याचा मृतदेह आढळून आला. त्याच्या घशावर खोल खुणा आढळून आल्या आहेत. पोलिसांबरोबरच फॉरेन्सिक पथकही या घटनेच्या तपासात गुंतले आहे.

News Title : Sadhu Ram Sahare Das of Hanumangarhi murdered in Ayodhya temple 19 October 2023.