Kalyani Cast Tech IPO | कल्याणी IPO ने कल्याण केलं, गुंतवणूकदारांना पहिल्याच दिवशी दिला 90 टक्के परतावा

Kalyani Cast Tech IPO | कल्याणी कास्ट टेक कंपनीचे शेअर्स जबरदस्त तेजीसह सूचीबद्ध झाले आहेत. कल्याणी कास्ट टेक कंपनीचे शेअर्स 90 टक्के प्रीमियम वाढीसह 264.10 रुपये किमतीवर शेअर बाजारात सूचीबद्ध झाले आहेत. कल्याणी कास्ट टेक कंपनीचे शेअर्स 139 रुपये किमतीवर गुंतवणूकदारांना वाटप करण्यात आले आहेत.

ज्या गुंतवणूकदारांना कल्याणी कास्ट टेक कंपनीचे शेअर्स वाटप करण्यात आले आहे, त्यांना प्रत्येक शेअरवर 125.10 रुपये म्हणजेच 90 टक्के नफा मिळाला आहे. शुक्रवार दिनांक 17 नोव्हेंबर 2023 रोजी कल्याणी कास्ट टेक स्टॉक 99.50 टक्के प्रिमियमसह 277.30 रुपये किमतीवर सूचीबद्ध झाले आहेत.

कल्याणी कास्ट टेक कंपनीचे शेअर्स सूचीबद्ध झाल्यावर लगेच 5 टक्क्यांच्या अप्पर सर्किटसह 277.30 रुपये किमतीवर पोहोचले होते. कल्याणी कास्ट टेक कंपनीने आपल्या IPO साठी शेअरची किंमत बँड 137-139 रुपये निश्चित केली होती. किरकोळ गुंतवणूकदार या कंपनीच्या IPO मध्ये फक्त 1 लॉट खरेदी करू शकत होते.

कल्याणी कास्ट टेक कंपनीने आपल्या IPO अंतर्गत एका लॉटमध्ये 1000 शेअर्स ठेवले होते. म्हणजेच किरकोळ गुंतवणूकदारांना एक लॉट खरेदी करण्यासाठी 139000 रुपये जमा करावे लागले होते. IPO लाँच होण्यापूर्वी कल्याणी कास्ट टेक कंपनीमध्ये प्रवर्तकांनी 100 टक्के भाग भांडवल धारण केले होते. आता हे प्रमाण 69.83 टक्केवर आले आहे.

कल्याणी कास्ट टेक कंपनीचा IPO एकूण 208.59 पट अधिक सबस्क्राईब झाला होता. कल्याणी कास्ट टेक कंपनीच्या IPO मध्ये किरकोळ गुंतवणूकदारांसाठी राखीव असलेला कोटा 190.95 पट सबस्क्राइब झाला होता. तर गैरसंस्थात्मक गुंतवणूकदारांचा राखीव कोटा 439.20 पट अधिक सबस्क्राईब झाला होता. तर क्वालिफाईड इन्स्टिट्यूशनल बायर्सचा राखीव कोटा 66.35 पट अधिक सबस्क्राइब झाला होता.

ही कंपनी आपल्या IPO मधून जमा होणारा निधी कंपनीचे खेळते भांडवल आणि सामान्य कॉर्पोरेट संबंधित क्रियासाठी खर्च करणार आहे. कल्याणी कास्ट टेक कंपनीच्या IPO चा आकार 30.11 कोटी रुपये होता. या कंपनीचे शेअर्स बीएसई एसएमई इंडेक्सवर सूचीबद्ध झाले आहेत.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Kalyani Cast Tech IPO for investment 18 November 2023.