महानगरपालिकेच्या व नगरसेवकांच्या चुकांसाठी मोदींना दोष देऊ नका: मनसे नेते अनिल शिदोरे

पुणे : लोकसभा निवडणुकांमध्ये महाराष्ट्र नवनिर्माण सेनेचे अध्यक्ष राज ठाकरे यांनी ‘लाव रे तो व्हिडीओ’ म्हणत पंतप्रधान नरेंद्र मोदी आणि भारतीय जनता पक्षाच्या घोषणांना अक्षरशः उघड पाडल होत. भारतीय जनता पक्ष आणि नरेंद्र मोदींचे देशात प्रखर विरोधक म्हणून राज ठाकरे यांच्याकडे पाहण्यास सुरवात झाली असताना महाराष्ट्र नवनिर्माण सेनेचे नेते आणि प्रवक्ते अनिल शिदोरे यांनी उठसूट नरेंद्र मोदींना दोष देऊ नका अस वक्तव्य केल आहे.

अनिल शिदोरे यांनी पुणे महापालिकेच्या भोंगळ कारभारावर बोट ठेवत पावसाळ्यातील काम नगरसेवकांकडून करून घ्या अस आवाहन पुणेकरांना केलं आहे. तुरळक पावसानं पुण्यात पाणी साठलंय, वहातूक तुंबली आहे. याची जबाबदारी महानगरपालिकेची आणि नगरसेवकांची आहे. त्यांच्याकडून कामं करून घ्या, उठसूट मोदींना दोष देऊ नका, ते याला जबाबदार नाहीत. त्यांच्या नावावर निवडून आलेले जबाबदार आहेत. अस ट्विट अनिल शिदोरे यांनी केल आहे. दरम्यान त्यांनी हा त्रागा व्यक्त करताना जे या घटनेला जवाबदार आहेत त्यांनाच दोषी धरावे आणि कोणताही संबंध नसताना त्या विषयाला अनुसरून मोदींना दोष देऊ नये असं म्हटलं आहे.

आत्ताच घरून मार्केट यार्डला जाऊन परत आलो. तुरळक पावसानं पाणी साठलंय, वहातूक तुंबली आहे. ह्याची जबाबदारी महानगरपालिकेची आणि नगरसेवकांची आहे. त्यांच्याकडून कामं करून घ्या, उठसूट मोदींना दोष देऊ नका, ते ह्याला जबाबदार नाहीत.. त्यांच्या नावावर निवडून आलेले जबाबदार आहेत.

— Anil Shidore (@anilshidore) June 28, 2019