PVR Share Price | बॉक्स ऑफिसवर ॲनिमल आणि टायगर-3 चित्रपटाचा धुमाकूळ, PVR शेअर्स तेजीत, पुढची टार्गेट प्राईस पहा

PVR Share Price | सध्या सिनेमा गृहात रणबीर कपूर, अनिल कपूर, बॉबी देओल, यांचा मल्टीस्टारर चित्रपट ॲनिमल धुमाकूळ घालतोय. या चित्रपटाने पहिल्याच दिवशी बॉक्स ऑफिसवर जबरदस्त कमाई केली आहे. मीडिया रिपोर्ट्सनुसार या चित्रपटाने पहिल्याच दिवशी 60 कोटी रुपये कमाई केली होती. याचा फायदा पीव्हीआर आयनॉक्स कंपनीला झाला आहे.

पीव्हीआर आयनॉक्स कंपनीचे शेअर मागील आठवड्यात शुक्रवारी 2 टक्क्यांच्या वाढीसह 1755.90 रुपये किमतीवर ट्रेड करत होते. तर आज सोमवार दिनांक 4 डिसेंबर 2023 रोजी या कंपनीचे शेअर्स 0.97 टक्के वाढीसह 1,757.30 रुपये किमतीवर ट्रेड करत आहेत.

नुवामा इन्स्टिट्यूशनल इक्विटी फर्मने आपल्या अहवालात म्हंटले आहे की, क्रिकेट विश्वचषकामुळे डिसेंबर 2023 तिमाहीमध्ये बॉक्स ऑफिस कलेक्शन किंचित घटले होते. पीव्हीआर आयनॉक्स कंपनीसाठी मागील तिमाही फारशी फायदेशीर ठरली नव्हती. कंपनीच्या जाहिरात महसुलात हळूहळू सुधारणा होत असून कंपनीने आपले कर्ज कमी करण्यावर अधिक लक्ष केंद्रित केले आहे.

नुवामा फर्मच्या तज्ञांनी पीव्हीआर आयनॉक्स स्टॉकची लक्ष्य किंमत 2,210 रुपये निश्चित केली आहे. तज्ञांनी या कंपनीचे शेअर्स खरेदी करण्याचा सल्ला दिला आहे. पीव्हीआर आयनॉक्स कंपनीच्या डिसेंबर 2023 तिमाहीची सुरुवात काही मोठ्या चित्रपटांच्या आगमनाने झाली होती. आणि ऑक्टोबर व नोव्हेंबरमध्ये लिओ, फुक्रे, टायगर 3 आणि 12 वी फेल या चित्रपटाने बॉक्स ऑफिसवर मजबूत कामगिरी केली होती.

पीव्हीआर आयनॉक्स या भारतातील सर्वात मोठ्या मल्टिप्लेक्स ऑपरेटर कंपनीने आर्थिक वर्ष 2024-25 पर्यंत 500 कोटी रुपये गुंतवणुक करून भारतात 150 स्क्रीन सुरू करण्याची योजना आखली आहे. सध्या पीव्हीआर आयनॉक्स कंपनी भारतातील 114 शहरांमध्ये 1,711 स्क्रीन ऑपरेट करते.

आता या कंपनीने मेसन आयनॉक्स याठिकाणी सहा स्क्रीनचा लक्झरी सिनेमा हॉल उघडला आहे. पीव्हीआर आयनॉक्स कंपनीने म्हंटले आहे की, साधारणपणे एका स्क्रीनसाठी 5 कोटी रुपये गुंतवणूक करावे लागतात. मात्र लक्झरी मल्टिप्लेक्ससाठी प्रति स्क्रीन 7 कोटी रुपयेची गुंतवणूक केली जाते.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | PVR Share Price NSE 04 December 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.