Paytm Share Price | पेटीएम शेअर गडगडला! एक निर्णय आणि पेटीएम शेअर्स एकदिवसात 20 टक्क्याने क्रॅश झाले

Paytm Share Price | फिनटेक कंपनी वन97 कम्युनिकेशन्स लिमिटेडच्या (पेटीएम) शेअरमध्ये आठवड्याच्या चौथ्या दिवशी गुरुवारी तब्बल 20 टक्क्यांची घसरण झाली. व्यवहारादरम्यान हा शेअर 650.65 रुपयांच्या नीचांकी पातळीवर घसरला. या आधी हा शेअर 813.30 रुपयांवर बंद झाला होता. शेअरचा 52 आठवड्यांचा उच्चांक 998.30 रुपये आहे. ही पातळी 20 ऑक्टोबर 2023 रोजी होती.

शेअर्स का घसरले?
खरं तर, पेटीएमने आपल्या छोट्या तिकिटांच्या पोस्टपेड कर्जाचा वेग कमी करण्याची योजना जाहीर केली आहे. रिझर्व्ह बँकेकडून असुरक्षित कर्जावर कडक कारवाई केल्यानंतर पेटीएमने हा निर्णय घेतला आहे. ब्रोकरेज कंपनीलाही हा निर्णय रुचला नाही, त्यामुळे त्यांना कंपनीच्या महसुलाच्या अंदाजात कपात करावी लागली. मात्र, याद्वारे कंपनीला आपल्या वैयक्तिक, व्यावसायिक कर्जाचा विस्तार करायचा आहे.

पेटीएमच्या म्हणण्यानुसार, कंपनी हळूहळू 50,000 रुपयांपेक्षा कमी असुरक्षित कर्जाची पातळी कमी करेल. पोस्टपेड, हा एक लोन पोर्टफोलिओ आहे जो प्रामुख्याने 50,000 रुपयांपेक्षा कमी आहे. पेटीएमच्या या निर्णयानंतर पोस्टपेड लोन निम्म्यावर येऊ शकते, पण त्याचा मार्जिन किंवा महसुलावर कोणताही परिणाम होणार नाही, असे तज्ज्ञांचे मत आहे. महसुलावर कमीत कमी परिणाम होईल.

ब्रोकरेज फर्म जेफरीजने काय म्हटले?
ब्रोकरेज फर्म जेफरीजने सांगितले की, पेटीएमने आपल्या ‘बाय नाऊ, पे लेटर’ (बीएनपीएल) व्यवसायाची पुनर्रचना करण्याचा निर्णय घेतला आहे. रिझर्व्ह बँकेने अलीकडेच असुरक्षित कर्ज देण्याबाबत उचललेल्या पावलानंतर कर्ज देणाऱ्या भागीदारांनी माघार घेतली आहे. जेफरीजच्या मते, एकूण वितरणाच्या 55 टक्के वाटा असलेले बीएनपीएल वितरण पुढील 3-4 महिन्यांत निम्म्यावर येईल.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : Paytm Share Price NSE 07 December 2023.