कर्नाटकात लवकरच राजकीय भूकंप? काँग्रेसचे व जेडीएस'चे ११ आमदार फुटणार

बंगळुरू : कर्नाटकात लवकरच मोठा राजकीय भूकंप होणार असल्याची चर्चा राजकीय वर्तुळात रंगली आहे. कारण काँग्रेसचे एकूण ८ तर जेडीएसचे ३ असे मिळून तब्बल ११ आमदार राजीनामा देण्याच्या तयारीत असल्याचे वृत्त आहे. एकूण संख्याबळानुसार जर १२ आमदारांनी राजीनामे सोपवले तर विद्यमान सरकार अल्पमतात येऊ शकते. मागील वर्षी कर्नाटक विधानसभेची निवडणूक पार पडली, तेव्हा पासून कर्नाटकातील भाजपचे धुरंदर सरकार पाडण्यासाठी जोरदार प्रयत्न करत होते, मात्र लोकसभा निवडणुकीत मिळालेल्या बहुमतानंतर या हालचालींनी पुन्हा जोर धरला होता.

मागील विधानसभा निवडणुकीत भारतीय जनता पक्षाने १०४ जागा मिळवल्या. परंतु पूर्ण बहुमत नसल्याने सर्वात मोठा पक्ष ठरून देखील भारतीय जनता पक्षाला सत्ता गमवावी लागली होती. त्यानंतर भारतीय जनता पक्षाला सत्तेपासून दूर ठेवण्यासाठी काँग्रेस आणि जेडीएस एकत्र आले. जेडीएसचे कुमारस्वामी हे मुख्यमंत्रीपदावर विराजमान झाले. परंतु आता सत्तेतल्या दोन पक्षांमधलेच १२ आमदार राजीनाम्याच्या तयारीत आहेत. त्यामुळे दोन्ही पक्षांच्या अडचणी मोठ्या प्रमाणावर वाढणार आहेत.

Congress MLA Ramalinga Reddy: I am not going to blame anyone in the party or the high command. I somewhere feel I was being neglected over some issues. That is why I have taken this decision https://t.co/MJJe04PqkW

— ANI (@ANI) July 6, 2019

Karnataka State minister D. K. Shivakumar: Nobody will resign, I had come to meet them(8 Congress& 3 JDS MLAs who had reached Assembly speaker office) pic.twitter.com/cwGVK895jx

— ANI (@ANI) July 6, 2019