मिलिंद देवरा यांचा मुंबई काँग्रेस अध्यक्षपदाचा राजीनामा

मुंबई : मुंबई काँग्रेसचे विद्यमान अध्यक्ष मिलिंद देवरा यांनी आपल्या पदाचा राजीनामा दिल्याचे वृत आहे. दरम्यान सदर राजीनामा देताना त्यांनी आगामी विधानसभा निवडणुकीपर्यंत मुंबई शहर युनिटचे निरीक्षण करण्यासाठी दिल्लीतील 3 वरिष्ठ नेत्यांच्या सामूहिक नेतृत्वाची तात्पुरती स्थापना करण्याची शिफारस देखील राजीनामा देण्यापूर्वी केली आहे.

काँग्रेसमध्ये पुढील राष्ट्रीय स्तरावरील भूमिका स्वीकारण्यासाठी देवरा दिल्लीत जाऊ शकतात असं म्हटलं जात आहे. हा राजीनामा संदर्भातील एक पत्र नुकतेच देवरा यांनी दिल्लीत वरिष्ठ पक्षश्रेष्ठींकडे सुपुर्द केल्याची माहिती एएनआय’ने दिली आहे. महाराष्ट्रात काँग्रेससाठी भारतीय जनता पक्ष-शिवसेना आणि वंचित बहुजन आघाडीच्या प्रभावाला खीळ घालणं हे काँग्रेससाठी एक मोठे आव्हान आहे, असे त्यांनी राजीनामा देताना नमुद केले आहे.

Mumbai Congress President Milind Deora tenders his resignation from his post. He has also proposed a three member panel to lead Mumbai Congress for the upcoming Maharashtra Assembly elections. (file pic) pic.twitter.com/aPmfaF1LCt

— ANI (@ANI) July 7, 2019

देवरा यांच्या कार्यालयाच्या निवेदनात म्हटले आहे की, २६ जून रोजी राहुल गांधी यांना दिल्लीत भेटल्यानंतर लवकरच पद सोडण्याची इच्छा व्यक्त केली. देवराच्या कार्यालयातून आलेल्या निवेदनात म्हटले आहे, “हे अखिल भारतीय काँग्रेस समितीचे सरचिटणीस मल्लिकार्जुन खरगे आणि के.सी. वेणुगोपाल यांना सांगण्यात आले आहे,” हे पाऊल एआयसीसीचे अध्यक्ष राहुल गांधी यांच्या राजीनामा देण्याबरोबरच एकनिष्ठा आणि सामूहिक जबाबदारीची अभिव्यक्ती म्हणून उचलण्यात आले. अध्यक्ष म्हणून राजीनामा देताना देवरा यांनी ४ जुलै रोजी राहुल गांधी यांच्या मुंबई भेटीची व्यवस्था केली.