Adani Power Share Price | अदानी शेअर्सबाबत मोठी बातमी, शेअर्स पुन्हा सुसाट तेजीत येणार, मागील 3 वर्षांत 957% परतावा दिला

Adani Power Share Price | अदानी समूहाचा भाग असलेल्या अदानी पॉवर कंपनीने आपले डिसेंबर तिमाहीचे आर्थिक निकाल जाहीर केले आहेत. डिसेंबर 2023 तिमाहीत अदानी पॉवर कंपनीने 2738 कोटी रुपये निव्वळ नफा कमावला आहे. मागील वर्षी याच तिमाही कालावधीत अदानी पॉवर कंपनीने फक्त 9 कोटी रुपये निव्वळ नफा कमावला होता.

गुरुवारच्या ट्रेडिंग सेशनमध्ये अदानी पॉवर कंपनीचे शेअर्स 4.40 टक्क्यांच्या वाढीसह 542.50 रुपये किमतीवर ट्रेड करत होते. गुरूवार दिनांक 25 जानेवारी 2024 रोजी अदानी पॉवर कंपनीचे शेअर्स 4.63 टक्के वाढीसह 544 रुपये किमतीवर क्लोज झाले होते.

मागील सहा महिन्यांत अदानी पॉवर कंपनीच्या शेअर्सने आपल्या गुंतवणूकदारांचे पैसे दुप्पट वाढवले आहेत. डिसेंबर 2023 तिमाहीत अदानी पॉवर कंपनीच्या महसूलात 67 टक्के वाढ झाली होती. चालू आर्थिक वर्षाच्या डिसेंबर 2023 तिमाहीत अदानी पॉवर कंपनीने 12991.4 कोटी रुपये महसूल संकलित केला आहे. मागील वर्षी याच तिमाही कालावधीत अदानी पॉवर कंपनीने 7764.41 कोटी रुपये महसूल संकलित केला होता.

डिसेंबर 2023 च्या तिमाहीत अदानी पॉवर कंपनीचे एकूण उत्पन्न 13355 कोटी रुपये नोंदवले गेले आहे. मागील वर्षी याच तिमाही कालावधीत अदानी पॉवर कंपनीने 8290 कोटी रुपये उत्पन्न कमावले होते. चालू आर्थिक वर्षाच्या तिसऱ्या तिमाहीत या कंपनीचा EBITDA 151 टक्क्यांच्या वाढीसह 5009.17 कोटी रुपये नोंदवला गेला आहे. मागील वर्षी याच तिमाहीमध्ये कंपनीचा EBITDA 1995.53 कोटी रुपये नोंदवला गेला होता.

अदानी पॉवरच्या शेअर्सने मागील 6 महिन्यांत आपल्या गुंतवणुकदारांना 113 टक्के परतावा कमावून दिला आहे. 26 जुलै 2023 रोजी अदानी पॉवर कंपनीचे शेअर्स 255.45 रुपये किमतीवर ट्रेड होते. 25 जानेवारी 2024 रोजी अदानी पॉवर कंपनीचे शेअर्स 544 रुपये किमतीवर पोहोचले होते.

मागील 3 वर्षांत अदानी पॉवर कंपनीच्या शेअर्सने आपल्या गुंतवणुकदारांना 957 टक्के परतावा कमावून दिला आहे. 29 जानेवारी 2021 रोजी अदानी पॉवर कंपनीचे शेअर्स 51.30 रुपये किमतीवर ट्रेड करत होते. या कंपनीच्या शेअर्सची 52 आठवड्यांची उच्चांक किंमत पातळी 589.30 रुपये होती. तर नीचांक किंमत 132.55 रुपये होती.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Adani Power Share Price NSE Live 27 January 2024.