Zerodha Gold ETF | झिरोधा म्युच्युअल फंडाची गोल्ड ETF योजना लाँच, 500 रुपयांपासून सोन्यामध्ये गुंतवणुकीची संधी

Zerodha Gold ETF | झिरोधा म्युच्युअल फंडाने शुक्रवारी झिरोधा गोल्ड ईटीएफ लाँच करण्याची घोषणा केली आहे. ही योजना एक ओपन-एंडेड, सोपी आणि कमी किंमतीचा एक्सचेंज ट्रेडेड फंड (ETF) आहे, जो सोन्यात गुंतवणूक करू इच्छिणाऱ्या गुंतवणूकदारांसाठी अधिक चांगला पर्याय ठरू शकतो. या योजनेची न्यू फंड ऑफर (NFO) सब्सक्रिप्शनसाठी खुली असून त्याचे सब्सक्रिप्शन घेण्याची शेवटची तारीख 21 फेब्रुवारी आहे.

1 मार्चला लिस्टिंग अपेक्षित
एनएफओ अंतर्गत जारी केलेले युनिट्स वाटपाच्या तारखेनंतर 5 व्यावसायिक दिवसांच्या आत सतत विक्री आणि पुनर्खरेदीसाठी पुन्हा उघडले जातील. हा फंड १ मार्च 2024 पर्यंत नॅशनल स्टॉक एक्स्चेंज (NSE) आणि बॉम्बे स्टॉक एक्स्चेंज (BSE) मध्ये सूचीबद्ध होण्याची शक्यता आहे. झिरोधा गोल्ड ईटीएफ योजनेचे व्यवस्थापक श्याम अग्रवाल असून त्यासाठी फिजिकल गोल्डची देशांतर्गत किंमत बेंचमार्क मानली जाईल. म्हणजेच प्रत्यक्ष सोन्याच्या देशांतर्गत किमतींच्या अनुषंगाने परतावा मिळविणे हा या योजनेचा गुंतवणुकीचा उद्देश आहे.

फंड किती गुंतवणूक करू शकतो
झिरोधा गोल्ड ईटीएफचा 95 ते 100 टक्के निधी फिजिकल गोल्ड आणि सोन्याशी संबंधित इतर साधनांमध्ये गुंतवला जाणार आहे. उर्वरित 0 ते 5 टक्के निधी डेट, मनी मार्केट इन्स्ट्रुमेंट्स, कॅश आणि कॅश सारख्या इतर साधनांमध्ये गुंतवला जाईल. झिरोधा फंड हाऊसचे सीईओ विशाल जैन म्हणतात की, सोन्याच्या किमतींचा इक्विटीशी फारसा संबंध नसतो, त्यामुळे तुमच्या पोर्टफोलिओतील अस्थिरता कमी करण्यासाठी ते उपयुक्त ठरेल. महागाई वाढत असतानाही गुंतवणुकीचे मूल्य जपणारी गुंतवणूक म्हणून सोन्याकडे पाहिले जाते.

किमान गुंतवणूक 500 रुपये
फंड हाऊसच्या प्रसिद्धीपत्रकानुसार, झिरोधा गोल्ड ईटीएफमध्ये किमान 500 रुपये आणि नंतर 100 रुपयांच्या पटीत गुंतवणूक करता येते. या योजनेच्या एका युनिटचे प्रारंभिक निव्वळ मालमत्ता मूल्य (एनएव्ही) सुमारे 10 रुपये असेल. या ईडीएफमध्ये एक्झिट लोड शून्य आहे, तर नियमांनुसार कमाल एकूण खर्च गुणोत्तर (टीईआर) 1 टक्क्यांपर्यंत असू शकते. लिस्टिंगनंतर झिरोधा गोल्ड ईटीएफचे युनिट्स थेट एक्स्चेंजमधून खरेदी करता येतील.

ज्या गुंतवणूकदारांना दीर्घकालीन भांडवली वृद्धी हवी आहे आणि ट्रॅकिंग त्रुटी समायोजित करून सोन्यासारखा परतावा मिळवण्यासाठी गुंतवणूक करू इच्छितात त्यांच्यासाठी ही योजना एक चांगला पर्याय आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : Zerodha Gold ETF NFO launched by Zerodha mutual fund 18 February 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.