IREDA Share Price | IREDA शेअर चार्टमध्ये या किमतीवर मजबूत सपोर्ट, तज्ज्ञांकडून पुढची टार्गेट प्राईस जाहीर

IREDA Share Price | मागील काही दिवसांपासून आयआरईडीए या सरकारी कंपनीच्या शेअर्समध्ये जबरदस्त तेजी पाहायला मिळत होती. मात्र आज या कंपनीच्या शेअर्समध्ये बंपर नफा वसुली झाली आहे. मंगळवारच्या ट्रेडिंग सेशनमध्ये या कंपनीचे शेअर्स अफाट तेजीत धावत होते. नुकताच आयआरईडीए कंपनीने 767 कोटी रुपये मूल्याची एक ब्लॉक डील केली आहे. या बातमीनंतर शेअर अप्पर सर्किटमध्ये अडकला होता.

आयआरईडीए कंपनीने ब्लॉक डील अंतर्गत कंपनीच्या एकूण इक्विटीपैकी 1.85 टक्के म्हणजेच जवळपास 5 कोटी शेअर्सचे व्यवहार केले आहे. या ब्लॉक डीलचे एकूण मुल्य 767 कोटी रुपये आहे. आज बुधवार दिनांक 28 फेब्रुवारी 2024 रोजी आयआरईडीए कंपनीचे शेअर्स 3.23 टक्के घसरणीसह 149.90 रुपये किमतीवर ट्रेड करत आहेत.

सोमवारच्या ट्रेडिंग सेशनमध्ये आयआरईडीए कंपनीचे शेअर्स 151.45 रुपये किमतीवर क्लोज झाले होते. तर मंगळवारी या कंपनीचे शेअर्स 5 टक्के अप्पर सर्किटसह 159 रुपये किमतीवर ट्रेड करत होते. संसदेत अंतरिम अर्थसंकल्प सादर झाल्यानंतर आयआरईडीए कंपनीचे शेअर्स अनेक दिवस अप्पर सर्किट हीट करत होते. 6 फेब्रुवारी 2024 रोजी या कंपनीचे शेअर्स 215 रुपये किमतीवर पोहोचले होते.

आयआरईडीए कंपनीचा IPO 29 नोव्हेंबर 2023 रोजी शेअर बाजारात सूचीबद्ध करण्यात आला होता. या कंपनीच्या शेअर्सची 52 आठवड्यांची नीचांक किंमत पातळी 49.99 रुपये होती. आयआरईडीए कंपनीने आपल्या IPO मध्ये शेअर्सची प्राइस बँड 30-32 रुपये निश्चित केली होती. या कंपनीचा IPO 21 नोव्हेंबर ते 23 नोव्हेंबर दरम्यान गुंतवणुकीसाठी खुला करण्यात आला होता.

ब्रोकरेज प्रभुदास लीलाधरच्या मते, आयआरईडीए कंपनीचे शेअर्स पुढील काही दिवसात 185 रुपये किंमत स्पर्श करू शकतात. टिप्स 2 ट्रेंड्स फर्मच्या तज्ञांच्या मते, दैनिक चार्टवर स्टॉकमध्ये 186 रुपये किमतीवर मजबूत प्रतिकार पाहायला मिळत आहे. मंदीच्या काळात हा स्टॉक 124 रुपये किमतीपर्यंत घसरू शकतो.

डिसेंबर तिमाहीत आयआरईडीए कंपनीने मागील वर्षीच्या याच तिमाहीच्या तुलनेत 67 टक्के वाढीसह 335.54 कोटी रुपये निव्वळ नफा कमावला आहे. डिसेंबर तिमाहीत कंपनीने 44.21 टक्के वाढीसह 1,253.20 कोटी रुपये महसूल संकलित केला आहे. मागील वर्षी याच तिमाहीत कंपनीने 868.98 कोटी रुपये महसूल संकलित केला होता.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IREDA Share Price NSE Live 28 February 2024.