Gold Price Today | बापरे! आज सोन्याचा भाव मजबूत वाढला, लवकरच 70,000 तोळा होणार, मार्चमध्ये रु. 3800 ने महागलं

Gold Price Today | सोन्याच्या दरात सातत्याने वाढ होताना दिसत आहे. सोन्याचे दर दररोज नवे विक्रम करत आहेत. शुक्रवारी सलग सातव्या दिवशी सोन्याच्या दरात वाढ झाली आहे. भारतात सोन्याच्या किंमतींनी 66,000 चा टप्पा ओलांडला आहे. डॉलरची घसरण आणि फेड रिझर्व्हच्या व्याजदरात कपातीच्या अपेक्षेमुळे सोन्याच्या दरात वाढ होताना दिसत असल्याचे जाणकारांचे मत आहे.

मल्टी कमोडिटी एक्स्चेंजमध्ये पहिल्यांदाच सोन्याच्या किंमतींनी 66,000 चा टप्पा ओलांडला. बाजार बंद झाल्यानंतर सोन्याचा भाव 66,023 रुपये प्रति दहा ग्रॅम वर पाहायला मिळत आहे.

मार्चमध्ये सोन्याच्या दरात 3800 रुपयांची वाढ
मार्च महिन्यात आतापर्यंत सोन्याच्या दरात जवळपास 3800 रुपयांची वाढ झाली आहे. फेब्रुवारीच्या शेवटच्या दिवशी सोन्याचा भाव 62567 रुपये प्रति 10 ग्रॅम होता. तर 8 मार्च रोजी सोन्याने 66,356 रुपये प्रति 10 ग्रॅमचा विक्रमी उच्चांक गाठला होता. यानुसार सोन्याच्या दरात प्रति 10 ग्रॅम जवळपास 3789 रुपयांची वाढ झाली आहे.

गुंतवणूकदारांना वर्षभरात 20 टक्के परतावा
जर एखाद्या गुंतवणूकदाराने फेब्रुवारीमध्ये सोन्यात गुंतवणूक केली असेल तर त्याला चांगला नफा झाला असेल. गेल्या वर्षभरात सोन्याच्या दरात जवळपास 11,000 रुपयांची वाढ झाली आहे. गेल्या वर्षभरात सोन्याने गुंतवणूकदारांना सुमारे 20 टक्के परतावा दिला आहे.

सोन्याचा भाव 70,000 पर्यंत जाऊ शकतो
तज्ज्ञांच्या मते, अशा तेजीनंतर गुंतवणूकदार नफा बुक करू शकत असल्याने सोन्याच्या दरात आणखी स्थिरता येऊ शकते. फेड रिझर्व्ह व्याजदरात कपात करण्यास उशीर करू शकते, ज्याचा परिणाम सोन्याच्या किंमतींवरही होऊ शकतो. मात्र, सोन्याचा दृष्टीकोन सकारात्मक आहे. तर अनेक तज्ज्ञांच्या मते यंदा सोन्याचा भाव 70,000 रुपये प्रति 10 ग्रॅमपर्यंत जाऊ शकतो.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : Gold Price Today Updates Check details 10 March 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.