HDFC Bank Share Price | मार्ग श्रीमंतीचा! एचडीएफसी बँक शेअर FD पेक्षा 6 पटीने परतावा देईल, तज्ज्ञांचा शेअर्स खरेदीचा सल्ला

HDFC Bank Share Price | एचडीएफसी बँकेच्या शेअर्समध्ये जबरदस्त उलाढाल पाहायला मिळत आहे. पुढील काही दिवसात या बँकेचे शेअर्स 2000 रुपयेपर्यंत जाऊ शकतात. देशांतर्गत ब्रोकरेज फर्म प्रभुदास लिल्लाधरच्या तज्ञांनी एचडीएफसी बँकेच्या शेअर्सवर 2000 रुपये टार्गेट प्राइस निश्चित केली आहे. ( एचडीएफसी बँक अंश )

तज्ञांच्या मते, एचडीएफसी बँकेचे शेअर्स अल्पावधीत 30 टक्क्यांपेक्षा जास्त परतावा कमावून देऊ शकतात. आज शुक्रवार दिनांक 12 एप्रिल 2024 रोजी एचडीएफसी बँकेचे शेअर्स 0.68 टक्के घसरणीसह 1,525.90 रुपये किमतीवर ट्रेड करत आहेत.

मोतीलाल ओसवाल फायनान्शियल सर्व्हिसेस फर्मने एचडीएफसी बँकेचे शेअर्स खरेदी करण्याचा सल्ला दिला आहे. तज्ञांनी या स्टॉकवर 1950 रुपये टार्गेट प्राइस निश्चित केली आहे. एचडीएफसी बँकेच्या शेअर्समध्ये मागील महिन्यात जबरदस्त घसरण पाहायला मिळाली होती. मागील एका वर्षभरात 1757.50 रुपये या आपल्या उच्चांक किमतीवर पोहोचलेला एचडीएफसी बँकेचा शेअर 1363.55 रुपये या आपल्या नीचांक किमतीवर पोहचला होता.

मागील एका महिन्यात एचडीएफसी बँकेच्या शेअर्सची किंमत 7.50 टक्क्यांनी मजबूत झाली आहे. 2024 यावर्षात एचडीएफसी बँकेच्या शेअर्सची किंमत 10 टक्क्यांनी घसरली आहे. शेअर बाजारातील 39 तज्ञांनी एचडीएफसी बँकेच्या शेअर्सवर आपले सकारात्मक मत व्यक्त केले आहे. 21 तज्ञांनी एचडीएफसी बँकेच्या शेअर्सवर स्ट्राँग बाय रेटिंग देऊन गुंतवणूक करण्याचा सल्ला दिला आहे.

एचडीएफसी बँकेच्या प्रमोटर्सनी मार्च 2024 तिमाहीत बँकेचे 25.52 टक्के भाग भांडवल धारण केले होते. याशिवाय सप्टेंबर 2023 च्या तिमाहीच्या तुलनेत मार्च 2024 तिमाहीत परकीय संस्थागत गुंतवणूकदारांनी आपले भाग भांडवल 52.30 टक्क्यांवरून कमी करून 47.83 टक्के केले आहे. देशांतर्गत संस्थात्मक गुंतवणूकदारांनी आपली शेअर होल्डिंग 30.45 टक्क्यांवरून वाढवून 33.32 टक्केवर नेली आहे. या बँकेचे 18.84 टक्के भाग भांडवल किरकोळ गुंतवणूकदारांनी होल्ड केले आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | HDFC Bank Share Price NSE Live 12 April 2024.