IDFC First Bank Share Price | बँक FD असा परतावा देणार नाही! पण या बँकेचा शेअर अल्पावधीत देईल 50 टक्केपर्यंत परतावा

IDFC First Bank Share Price | आयडीएफसी फर्स्ट बँकेच्या शेअरने मागील एका वर्षात आपल्या गुंतवणुकदारांना 53 टक्के परतावा कमावून दिला आहे. मागील वर्षी 17 एप्रिल रोजी आयडीएफसी फर्स्ट बँकेचे शेअर्स 53.90 रुपये किमतीवर ट्रेड करत होते. आता या बँकेचे शेअर्स 83 रुपये किमतीवर पोहचले आहेत. ( आयडीएफसी फर्स्ट बँक अंश )

अनेक स्टॉक मार्केट एक्सपर्ट आयडीएफसी फर्स्ट बँकेच्या शेअरमध्ये गुंतवणूक करण्याचा सल्ला देत आहेत. तज्ञांच्या मते, पुढील 6 ते 9 महिन्यांत आयडीएफसी फर्स्ट बँकेचे शेअर्स 104 ते 124 रुपये किमतीवर जाऊ शकतात. आज मंगळवार दिनांक 16 एप्रिल 2024 रोजी आयडीएफसी फर्स्ट बँकेचे शेअर्स 0.48 टक्के वाढीसह 83.15 रुपये किमतीवर ट्रेड करत आहेत.

जागतिक ब्रोकरेज फर्म जेफरीजने आयडीएफसी फर्स्ट बँकेच्या शेअरमध्ये गुंतवणूक करण्याचा सल्ला दिला आहे. तज्ञांच्या मते, या बँकेचे शेअर्स 100 रुपये किंमत स्पर्श करू शकतात. डिसेंबर 2023 तिमाहीत आयडीएफसी फर्स्ट बँकेने निव्वळ नफ्यात 18 टक्के वाढ नोंदवली होती. डिसेंबर तिमाहीत या बँकेने 715.68 कोटी रुपये निव्वळ नफा कमावला होता.

आर्थिक वर्ष 2022-2023 च्या डिसेंबर तिमाहीत बँकेचा निव्वळ नफा 605 कोटी रुपये नोंदवला गेला होता. आर्थिक वर्ष 2023-24 च्या तिसऱ्या तिमाहीत या बँकेचा NPA 2.04 टक्क्यांवर आला होता. डिसेंबर तिमाहीत आयडीएफसी फर्स्ट बँकेचे निव्वळ व्याज उत्पन्न 30 टक्क्यांच्या वाढीसह 4,287 कोटी रुपये नोंदवले गेले होते. मागील वर्षीच्या याच तिमाहीत हे प्रमाण 3,286 कोटी रुपये होते.

वॉरबर्ग पिंकस कंपनीने आयडीएफसी फर्स्ट बँकेचे 2.25 टक्के भाग भांडवल 1,195 कोटी रुपयेला विकले आहेत. वॉरबर्ग पिंकस कंपनीने आपली सहयोगी क्लोव्हरडेल इन्व्हेस्टमेंट लिमिटेडद्वारे आयडीएफसी फर्स्ट बँकेचे शेअर्स विकून नफा वसुली केली आहे. डिसेंबर 2023 पर्यंत वॉरबर्ग पिंकस कंपनीने आयडीएफसी फर्स्ट बँकेचे 2.25 टक्के भाग भांडवल धारण केले होते.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | IDFC First Bank Share Price NSE Live 16 April 2024.