BHEL Share Price | PSU शेअर सुसाट तेजीत, 1 वर्षात 258% परतावा दिला, अजून एक सकारात्मक अपडेट

BHEL Share Price | बीएचईएल म्हणजेच भारत हेवी इलेक्ट्रिकल्स कंपनीच्या शेअर्समध्ये मजबूत खरेदी पाहायला मिळत आहे. 2 मे रोजी या कंपनीचे शेअर्स 6.5 टक्के वाढीसह व्यवहार करत होते. आज देखील हा स्टॉक तेजीत वाढत आहे. कालच्या ट्रेडिंग सेशनमध्ये बीएचईएल स्टॉक किंचित वाढीसह 283.45 रुपये किमतीवर ओपन झाला होता. काही वेळात हा स्टॉक 6.5 टक्क्यांच्या वाढीसह 300.20 रुपये किमतीवर पोहोचला होता. आज शुक्रवार दिनांक 3 मे 2024 रोजी बीएचईएल स्टॉक 6.92 टक्के वाढीसह 312.95 रुपये किमतीवर ट्रेड करत आहे. ( भारत हेवी इलेक्ट्रिकल्स कंपनी अंश )

बीएचईएल कंपनीचे एकूण बाजार भांडवल 1.01 लाख कोटी रुपये आहे. 30 एप्रिल रोजी भारत हेवी इलेक्ट्रिकल्स लिमिटेड कंपनीने सेबीला कळवले की, कंपनीने रेल्वे सिग्नलिंग व्यवसायासाठी HIMA Middle East FZE, दुबईसोबत धोरणात्मक भागीदारी केली आहे. ही कंपनी जर्मनीस्थित HIMA Paul Hildebrandt GMBH कंपनीची पूर्ण मालकीची उपकंपनी आहे. बीएचईएल कंपनी भारतीय रेल्वेला लोकोमोटिव्ह, EMU/MEMU साठी इलेक्ट्रिक, प्रोपल्शन सिस्टम, ट्रॅक्शन मोटर्स, ट्रॅक्शन अल्टरनेटर, ट्रॅक्शन ट्रान्सफॉर्मर इत्यादींचा पुरवठा करण्याची जबाबदारी पार पडणार आहे.

HIMA ही कंपनी रेल्वे आणि प्रक्रिया उद्योगांचे काम करणारी जगातील अग्रणी सेवा प्रदाता मानली जाते. बीएचईएल कंपनीची आणि HIMA कंपनीची भागीदारी भारतीय रेल्वेच्या विकासात मोठा हातभार लावणार आहे. मागील एका वर्षात बीएचईएल कंपनीच्या शेअर्सने आपल्या गुंतवणुकदारांना 258 टक्के परतावा कमावून दिला आहे.

डिसेंबर 2023 तिमाहीत बीएचईएल कंपनीने 5,503.81 कोटी रुपये महसूल संकलित केला होता. या कालावधीत कंपनीने 162.77 कोटी रुपये निव्वळ नफा कमावला होता. मार्च 2024 च्या अखेरीस बीएचईएल कंपनीमध्ये प्रवर्तकांनी 63.17 टक्के भाग भांडवल धारण केले होते. तर सार्वजनिक गुंतवणूकदारांनी 36.83 टक्के भाग भांडवल धारण केले होते.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | BHEL Share Price NSE Live 03 May 2024.