Tata Power Share Price | तज्ज्ञांकडून टाटा पॉवर शेअर्ससाठी 'बाय' रेटिंग, पुढची टार्गेट प्राईस केली जाहीर

Tata Power Share Price | टाटा समुहाचा भाग असलेल्या टाटा पॉवर कंपनीच्या शेअर्समध्ये जबरदस्त उलाढाल पाहायला मिळत आहे. तज्ञांच्या मते, टाटा पॉवर स्टॉक गुंतवणूक करण्यासाठी आकर्षक वाटत आहे. ब्रोकरेज फर्म ICICI सिक्युरिटीजने टाटा पॉवर कंपनीचे शेअर्स 490 रुपये टार्गेट प्राइससाठी खरेदी करण्याचा सल्ला दिला आहे. ( टाटा पॉवर कंपनी अंश )

मंगळवारी टाटा पॉवर कंपनीचे शेअर्स 5 टक्के वाढीसह 431.95 रुपये किमतीवर पोहचले होते. आज बुधवार दिनांक 15 मे 2024 रोजी टाटा पॉवर स्टॉक 0.29 टक्के वाढीसह 431.60 रुपये किमतीवर ट्रेड करत आहेत.

ब्रोकरेज फर्मच्या तज्ञांच्या मते, टाटा पॉवर कंपनीने मार्च तिमाहीत 800 कोटी रुपये नफा कमावला आहे. वर्ष दर वर्ष आधारे टाटा पॉवर कंपनीने 2023-24 या आर्थिक वर्षात 3,200 कोटी रुपये नफा कमावला आहे. टाटा पॉवर कंपनीचा EBITDA 3,000 कोटी रुपये आहे. या कंपनीची स्थापित वीज निर्मिती क्षमता 4.5 GW आहे. ब्रोकरेज फर्मच्या तज्ञांच्या मते, पुढील तीन वर्षांत या कंपनीचा EBITDA 6,000 कोटी रुपयेपर्यंत वाढेल. टाटा पॉवर कंपनीने चालू आर्थिक वर्षात सोलर मोड्युल सेलमध्ये 0.5 GW क्षमतेची वाढ केली आहे.

आयसीआयसीआय सिक्युरिटीने आपल्या अहवालात म्हटले आहे की, भारत सरकार सबसिडी देऊन सोलर रूफटॉप सेगमेंटला प्रोत्साहन देण्यासाठी विविध धोरणे बनवत आहे. याचा फायदा टाटा पॉवर सारख्या कंपन्यांना होऊ शकतो. तज्ञांच्या मते, टाटा पॉवर स्टॉक पुढील काळात 444 रुपये किंमत स्पर्श करू शकतो.

तज्ञांनी हा स्टॉक खरेदी करताना 420 रुपये किमतीवर स्टॉपलॉस लावण्याचा सल्ला दिला आहे. मार्च 2024 पर्यंत या कंपनीच्या प्रवर्तकांनी कंपनीचे 46.86 टक्के भाग भांडवल धारण केले होते. टाटा पॉवर स्टॉकची 52 आठवड्यांची उच्चांक किंमत पातळी 464.30 रुपये होती. तर नीचांक किंमत पातळी 201.75 रुपये होती. या कंपनीचे एकूण बाजार भांडवल 1,37,495.46 कोटी रुपये आहे.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Tata Power Share Price NSE Live 15 May 2024.