RVNL Share Price | रॉकेट स्पीडने परतावा देणार हा PSU शेअर, मागील 3 महिन्यात झाली 151% कमाई

RVNL Share Price| आरव्हीएनएल कंपनीच्या शेअर्समध्ये मागील काही दिवसांपासुन जोरदार तेजी पाहायला मिळत होती. आज मात्र या स्टॉकमध्ये किंचित नफा वसुली सुरू झाली आहे. मागील एका महिन्यात रेल विकास निगम लिमिटेड कंपनीच्या शेअर्सने आपल्या गुंतवणुकदारांना 59 टक्के परतावा कमावून दिला आहे. सोमवारी या कंपनीचे शेअर्स 2 टक्क्यांच्या वाढीसह 637 रुपये किमतीवर ओपन झाले होते. ( आरव्हीएनएल कंपनी अंश )

दिवसभरात या कंपनीच्या शेअरने 647 रुपये ही सर्वकालीन उच्चांक किंमत स्पर्श केली होती. आरव्हीएनएल कंपनीचे शेअर्स सध्या आपल्या 5 दिवस, 20 दिवस, 50 दिवस, 100 दिवस, 200 दिवसाच्या सिंपल मूव्हिंग ॲव्हरेज किंमत पातळीच्या वर ट्रेड करत आहेत. मंगळवार दिनांक 16 जुलै 2024 रोजी आरव्हीएनएल स्टॉक 0.27 टक्के घसरणीसह 624.30 रुपये किमतीवर ट्रेड करत आहेत.

आरव्हीएनएल कंपनीच्या शेअर्समध्ये वाढ होण्याचे मुख्य कारण म्हणजे, आगामी अर्थसंकल्पात रेल्वे क्षेत्रासाठी भरघोस निधीची तरतूद असण्याची अपेक्षा आहे. तसेच मागील काही आठवड्यात या कंपनीने अनेक नवीन ऑर्डर्स जिंकल्या आहेत. मागील आठवड्यात आरव्हीएनएल कंपनीने मध्य रेल्वेकडून 1×25 KV इलेक्ट्रिक ट्रॅक्शन सिस्टीमच्या ओव्हरहेड मॉडिफिकेशन कामात सुधारणा करण्याचे काम मिळाले असल्याची माहिती दिली आहे. या प्रोजेक्टचे एकूण मुल्य 132.59 कोटी रुपये आहे.

आरव्हीएनएल कंपनीची ऑर्डर बुक मजबूत आहे. यासह कंपनीला एकामागून एक अनेक ऑर्डर मिळत आहेत. कंपनीची व्यावसायिक मूलभूत तत्त्वे देखील मजबूत आहेत. तज्ञांच्या मते, आरव्हीएनएल स्टॉकने 580 रुपये किमतीवर मजबूत सपोर्ट निर्माण केला आहे. तज्ञांच्या मते, जर या स्टॉकने ब्रेकआऊट दिला तर अल्पावधीत शेअरची किंमत 700-725 रुपये किमतीवर जाऊ शकते.

मागील दोन आठवड्यात आरव्हीएनएल स्टॉक तब्बल 52 टक्क्यांनी वाढला आहे. मागील तीन महिन्यांत या कंपनीच्या शेअर्सने आपल्या गुंतवणुकदारांना 151 टक्के नफा कमावून दिला आहे. मागील 6 महिन्यात आरव्हीएनएल कंपनीच्या शेअर्सची किंमत 186 टक्क्यांनी मजबूत झाली आहे. YTD आधारे या कंपनीच्या शेअरची किंमत 250 टक्क्यांनी वाढली आहे.

मागील एका वर्षात या कंपनीच्या शेअर्सने आपल्या गुंतवणूकदारांचे पैसे 428 टक्के वाढवले आहेत. मागील दोन वर्षात या कंपनीच्या शेअर्सची किंमत 1,970 टक्क्यांनी मजबूत झाली. आरव्हीएनएल ही सरकारी कंपनी मुख्यतः रेल्वेचे नवीन लाईन बांधणे, दुहेरीकरण, गेज रूपांतरण, रेल्वे विद्युतीकरण, मेट्रो प्रकल्प, कार्यशाळा, पूल, केबल पूल, इमारती इत्यादींसह सर्व प्रकारच्या रेल्वे प्रकल्पांच्या अंमलबजावणीचा व्यवसाय करते.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | RVNL Share Price NSE Live 16 July 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.